जामखेड शहरात मिरचीची पावडर डोळ्यात टाकून व्यापाऱ्यास लुटण्याचा प्रयत्न फसला तीघांविरोधात गुन्हा दाखल, एकास पकडले

0
4490

जामखेड न्युज——

जामखेड शहरात मिरचीची पावडर डोळ्यात टाकून व्यापाऱ्यास लुटण्याचा प्रयत्न फसला

तीघांविरोधात गुन्हा दाखल, एकास पकडले

 

शहरातील कापड दुकानचे मालक दुकान बंद करून दोन लाख रुपये असलेली पैशांची बँग घेऊन घरी जात असताना घराचे गेट उघडताना डोळ्यात मिरचीची पावडर टाकून बँग हिसकावण्याचा प्रयत्न केला पण प्रसंगावधान राखून अंदुरे यांनी एका हातात एका चोराचा हात व एका हातात बँग पकडून आरडाओरडा केल्यानंतर शेजारी आले व पकडलेल्या चोरास पोलीसांच्या ताब्यात दिले या प्रकरणी तीघांविरोधात गुन्हा दाखल करण्यात आला आहे. यामुळे शहरासह परिसरात एकच खळबळ उडाली आहे.
जामखेड शहरातील शितल कलेक्शनचे मालक सागर अंदुरे हे दुकान बंद करून घरी जात असताना यांच्या घराजवळ तीन आरोपींनी डोळ्यात मिर्चीची पुड टाकुन त्यांच्या जवळील पैशाची बॅग हिसकावून पळुन जाण्याचा प्रयत्न केला पण चोरांचा प्रयत्न फसला व्यापारी अंदुरे यांच्या डोळ्यात मिरचीची पावडर असतानाही यांनी एका चोरास पकडून ठेवले आरडाओरडा केल्यानंतर दोन चोर पळून गेले ताबडतोब अंदुरे यांना डोळ्याच्या दवाखान्यात दाखल केले नंतर जामखेड पोलिसात फिर्याद दिली. या प्रकरणी एकुण तीन आरोपींविरोधात जामखेड पोलीस स्टेशनला गुन्हा दाखल करण्यात आला आहे.

याबाबत पोलिसांकडून मिळाले माहिती अशी की काल रविवार दिनांक 22 रोजी शितल कलेक्शनचे संचालक कापड व्यापारी सागर अंदुरे हे नेहमीप्रमाणे आपले कापड दुकान रात्री साडेनऊ च्या आसपास बंद करून व सोबत दोन लाख रुपये असलेली पैशांची बॅग घेऊन स्कुटी वरून आपल्या जामखेड शहरातील राजमाता जिजाऊ नगर येथे
घराकडे निघाले होते यावेळी पाळत ठेवलेल्या या तीन आरोपींनी ते घराजवळ गेले असता गेट उघडत असतानाच बँग हिसकावण्याचा प्रयत्न केला असता
त्यांनी पाठीमागे वळून पाहिले असता यातील करण सुदाम चव्हाण रा. आरोळे वस्ती जामखेड या आरोपीने त्याच्या सोबत असलेली मिरचीची पूड त्यांच्या डोळ्यात फेकली यातील एका आरोपीने त्यांच्या गळ्यात अडकवलेली दोन लाख रुपयांची पैशाची बॅग हिसकावून घेण्याचा प्रयत्न केला
या झटापटीत फिर्यादी सागर अंदुरे यांनी प्रसंगावदान राखून यातील करण सुदाम चव्हाण या आरोपीला पकडून ठेवले यावेळी दुसरे दोन जण त्याला सोडवण्याचा प्रयत्न करत होती मात्र सागर अंदुरे यांनी आरडाओरडा केल्यानंतर त्यांच्या आजूबाजूला राहत असलेले लोक धावत आले मात्र त्यापूर्वीच यातील अनोळखी दोघेजण पळून गेले.

 

यानंतर पकडून ठेवलेल्या आरोपीला घटनास्थळी पोलिसांना बोलवून त्यांच्या ताब्यात दिले या प्रकरणी जामखेड पोलीस स्टेशनला पकडलेल्या आरोपीसह एकूण तीन जणांवर गुन्हा दाखल करण्यात आला आहे. वरील घटनेचा तपास पोलीस निरीक्षक महेश पाटील हे करत आहेत. 

 

चौकट

व्यापारी सागर अंदुरे यांनी स्वत: च्या जीवाची बाजी लावून डोळ्यात मिरचीची पुड असताना एका चोरास घट्ट पकडले यामुळे एक चोर सापडला या धाडसाचे सर्वत्र कौतुक होत आहे. 

चौकट

जामखेड शहरात काही दिवसांपूर्वी तपनेश्वर रोडवर असेच एका व्यापाऱ्याला लुटण्याचा प्रयत्न झाला होता तसेच एका कांदा व्यापाऱ्याला पाडळी फाटा येथे लुटले होते जामखेड व परिसरात अशा लुटालुटीच्या घटना सतत चालू आहेत. यांना पोलीसांनी चांगला कायद्याचा धाक दाखवणे गरजेचे आहे.

LEAVE A REPLY

Please enter your comment!
Please enter your name here