जामखेड न्युज——
मंगेश आजबे व बिभीषण धनवडे आपल्या शेकडो कार्यकर्त्यांसह शरदचंद्र पवारांच्या उपस्थितीत करणार राष्ट्रवादी काँग्रेस मध्ये प्रवेश
कर्जत जामखेड मतदारसंघातील अनेक नेत्यांनी राष्ट्रवादी काँग्रेस शरदचंद्र पवार पक्षाला सोडचिठ्ठी देत भाजपामध्ये प्रवेश केला याची परतफेड करण्यासाठी आमदार रोहित पवार यांनीही व्युव्हरचना केली असून आज शनिवारी शरदचंद्र पवार यांच्या उपस्थितीत जामखेड मधील दोन बडे नेते आपल्या शेकडो कार्यकर्त्यांसह राष्ट्रवादी काँग्रेस शरदचंद्र पवार पक्षात प्रवेश करत आहेत. आमदार रोहित पवार यांनी स्वाभिमानी शेतकरी संघटना व भाजपाला जोरदार धक्का दिला आहे. यामुळे कर्जत जामखेड मतदारसंघात राजकीय वातावरण गरमागरम आहे.
मंगेश आजबे यांनी सकल मराठा समाजाचे समन्वयक म्हणून अनेक वर्षे काम केलेले आहे. तसेच गावोगावी तरूणांची फळी पाठिशी असणारे मंगेश (दादा) आजबे यांचे ग्रामीण भागात मोठ्या प्रमाणात नेटवर्क आहे. त्यांचा उद्या राष्ट्रवादी काँग्रेस मध्ये प्रवेश होत आहे. याचा फायदा आमदार रोहित पवार यांना होणार आहे.
तसेच बिभीषण धनवडे हे भाजपाचे माजी शहराध्यक्ष होते तसेच पाच वर्षे नगरसेवक होते तरूणांची मोठी फळी त्यांच्या बरोबर आहे. शहरात मोठे नेटवर्क त्यांचे आहे. शहरात रोहित पवार यांना मोठा फायदा होणार आहे.
मंगेश आजबे यांनी स्वाभीमानी शेतकरी संघटनेच्या वतीने आतापर्यंत शेतकऱ्यांच्या न्याय मागण्यासाठी अनेक वेळा रास्तारोको आंदोलन, रूमणे मोर्चा करत शेतकऱ्यांना न्याय मिळवून देण्यासाठी सतत आंदोलने केलेली आहेत.
तसेच शंभूराजे कुस्ती संकुल तर्फे जिजाऊ जयंती निमित्त दरवर्षी रक्तदान शिबिरांचे आयोजन करतात यात शेकडो तरूण उत्स्फुर्तपणे रक्तदान करतात. तसेच छत्रपती शिवाजी महाराज जयंती निमित्त राज्यस्तरीय कुस्ती आखाडा भरवतात यासाठी देशभरातील मल्ल हजेरी लावतात. शंभूराजे कुस्ती संकुलामुळे परिसरात चांगले मल्ल तयार झाले आहेत मल्लांना मोफत प्रशिक्षण देतात.
कोरोना काळात परिसरातील गोरगरीब रूग्णांना मोठ्या प्रमाणात आधार देण्याचे काम आजबे यांनी केले आहे. आरोळे व्हाँस्पीटल ला धान्य भाजीपाला व रोख रक्कम मोठ्या प्रमाणात गावोगावी जाऊन गोळा केली होती. यामुळे गोरगरिबांना मोफत उपचार मिळाले होते.
मंगेश आजबे व बिभीषण धनवडे यांना तरूणांची फळी असणारे दोन महत्त्वाचे नेते आहेत. हे रोहित पवार यांना मिळाल्याने मोठा फायदा होणार आहे.
आज शनिवारी खर्डा येथे शरदचंद्र पवार साहेब, शाहु महाराज व भुषणसिंग होळकर यांच्या उपस्थितीत मंगेश आजबे व बिभीषण धनवडे हे शेकडो समर्थकासह राष्ट्रवादी काँग्रेस मध्ये प्रवेश होत आहे.
