जामखेड न्युज——
जामखेड शहरात घाणीचे साम्राज्य, मोकाट कुत्रे, जनावरे, रस्त्यावर चिखल व दलदल
डासांच्या उपद्रवाने डेंग्यू मलेरिया रूग्णांची वाढ, नगरपरिषदेचे दुर्लक्ष
जामखेड शहरात सगळीकडे मोठ्या प्रमाणावर घाणीचे साम्राज्य पसरले असून, मोकाट कुत्रे, जनावरे व डुक्करांचा मुक्त संचार रस्त्यावर आहे. यामुळे डासांची संख्या वाढली असून डेंग्यू मलेरिया साथीची आजार वाढले आहेत. शहरातील रस्त्यावर सगळीकडे चिखल व दलदल आहे. जामखेड नगरपरिषद म्हणजे असून अडचण व नसून खोळंबा आशी अवस्था निर्माण झाली आहे.
जामखेड साठी दोन आमदार आहेत. तरीही शहर समस्यांच्या विळख्यात सापडले आहे. दोन्ही आमदारांनी एकमेकांच्या कामात खोडा घालण्यापेक्षा विकास कामाबाबत स्पर्धा करणे आवश्यक आहे. दोन आमदार असतानाही शहरातील अनेक भागात चिखल व दलदल आहे. नीट चालताही येत नाही. यातच पाणीपुरवठा योजनेचे अनेक ठिकाणी अर्धवट कामे झालेली आहेत अनेक ठिकाणी उकरून ठेवलेले आहे. यामुळे सगळीकडे चिखल व दलदल आहे. यामुळे घाण आणि घाणीमुळे डुक्करांचा मुक्त संचार, मोकाट जनावरे यामुळे जामखेड शहरातील नागरिक त्रस्त झाले आहेत.
जामखेड शहरात मोकाट कुत्र्यांचा सुळसुळाट वाढला आहे. गल्लोगल्ली ही संख्या वाढत असून, नागरिकांना त्यांचा उपद्रव सहन करावा लागत आहे. ही कुत्री अंगावर येत असल्याने लहान मुले व वयोवृद्धांना शहरातून वावरताना दक्षता घ्यावी लागते. मोटारसायकलस्वारांच्या मागे कुत्री लागत असल्याने मोटारसायकल चालविताना कसरत करावी लागत आहे. नगरपरिषदेने या कुत्र्यांचा बंदोबस्त करावा, अशी मागणी नागरिक करीत आहेत. कुत्रे, डुकरे यांच्या उपद्रवाबरोबरच घाणीच्या साम्राज्य मुळे डासांचा उपद्रव वाढला आहे यामुळे नागरिकांचे आरोग्य धोक्यात आले आहे.
जामखेड सौताडा महामार्गाचे काम खुपच संथ गतीने सुरू आहे. काही ठिकाणी सिंगल पट्टी तर काही ठिकाणी अर्धवट रस्ते आहेत यामुळे वाहतूक कोंडी होते यातच रस्त्यावर कुत्र्यांच्या झुंडीच्या झुंडी फिरतात. मोकाट जनावरे ही रस्त्यावर मधोमध बसलेले असतात. एखाद्या नागरिकांने त्यांना हाकलण्याचा प्रयत्न केला तर ते अंगावर धावून येतात. कुत्रे तर मोटारसायकल मागे लागल्याने अनेक मोटारसायकल स्वार घसरून पडून जखमी झाले आहेत.
सध्या शहरात कुत्र्यांच्या झुंडी मोकाट जनावरे, डुक्करांचा मुक्त संचार नेहमीचाच झाला आहे. कधी कधी तर पंधरा ते वीस कुत्र्याच्या झुंडी च्या झुंडी रस्त्यावर फिरत आहेत. ही कुत्री बीड रोड, नगर रोड, तपनेश्वर, सदाफुले वस्ती, पेठ, पोलीस स्टेशन तसेच बाजारपेठ, बसस्थानक परिसरात वावरत असून, यामुळे नागरिकांना व ग्रामीण भागातून शहरात येणाऱ्यांना याचा नाहक त्रास सहन करावा लागतो.
कुत्र्यांना हाकलायचा प्रयत्न केल्यास ती अंगावर येत आहेत. या कुत्र्यांमुळे वयोवृद्ध व लहान बालके यांना रस्त्यावरून ये-जा करणे धोक्याचे बनले आहे. कधीही कुत्री अंगावर येण्याची शक्यता नाकरता येत नाही. शहरातील काही शेतकऱ्यांच्या शेळ्यांचा चावाही या कुत्र्यांनी घेतल्याचे नागरिक सांगतात.
अनेक वेळा मोटारसायकलला कुत्री आडवे आल्याने
अनेक जण पडून जखमी झाले आहेत. अनेकांच्या पायाला व हाताला दुखापत झाली. त्यामुळे या कुत्र्यांचा नगरपरिषदेने बंदोबस्त करावा, अशी मागणी शहरातील नागरिक करीत आहेत.
चौकट
शहरात चिखल, दलदल याच बरोबर घाणीच्या साम्राज्य आणि आता मोकाट कुत्रे, डुकरे, जनावरे यांचा मोठ्या प्रमाणात उपद्रव वाढला आहे. तसेच घाणीच्या साम्राज्य मुळे मोठ्या प्रमाणात डासांचा उपद्रव वाढला आहे. यामुळे नागरिकांचे आरोग्य धोक्यात आले आहे. नगरपरिषदेने ताबडतोब उपाययोजना कराव्यात अशी मागणी नागरिक करत आहेत.
