जामखेड न्युज——
रत्नदीप मेडिकल फाउंडेशनच्या फार्मसी लँबला कमिटीने ठोकले सील
गेल्या चार दिवसांपासून रत्नदीप मेडिकल फाउंडेशनचे अध्यक्ष डॉ. भास्कर मोरे यांच्या विरोधात शेकडो विद्यार्थ्यांचे आंदोलन सुरू आहे. रात्री भास्कर मोरेवर विनयभंगाचा गुन्हाही दाखल झाला आहे. आज सावित्रीबाई फुले पुणे विद्यापीठाच्या सत्यशोधन समितीने तहसीलदार, पोलीस निरीक्षक, विद्यार्थी, पालक, पत्रकार यांच्या उपस्थितीत काही गोष्टी संशयास्पद वाटल्याने फार्मसी लँबला सील ठोकले आहे. यामुळे आता भास्कर मोरे चांगलेच अडचणीत सापडले आहेत.
चार दिवसांपासून रत्नदीप मेडिकल फाउंडेशनच्या शेकडो विद्यार्थ्यांचे भास्कर मोरे विरोधात आंदोलन सुरू आहे. मोरे हे आर्थिक, मानसिक, शारीरिक त्रास देतात याबाबत तहसीलदार यांना निवेदन दिले होते. व जोपर्यंत विद्यापीठाची समिती येत नाही तोपर्यंत आंदोलन सुरूच राहणार असा पवित्रा विद्यार्थ्यांनी घेतला होता. भास्कर मोरे विरोधात काल उशिरा गुन्हाही दाखल झाला आहे.
विद्यार्थ्यांच्या आंदोलनाची दखल घेत आज सावित्रीबाई फुले पुणे विद्यापीठाची सत्यशोधन समिती जामखेडला आली यात अमोल घोलप, डॉ. संदीप पालवे अध्यक्ष, डॉ. डी. वाय दामा सदस्य या कमिटीने जामखेड येथे येत आंदोलन कर्ते विद्यार्थी, पालक, ग्रामस्थ, विविध संघटनांचे प्रतिनिधी यांच्या बरोबर चर्चा केली. विद्यार्थ्यांनी तीव्र भावना व्यक्त केल्या होत्या यानुसार कमिटी तहसीलदार गणेश माळी, नायब तहसीलदार महेश अनारसे, पोलीस निरीक्षक महेश पाटील यांच्या समवेत रत्नदीप मेडिकल कॉलेज मध्ये तपासणी केली.
तपासणी मधे अनेक गोष्टी संशयास्पद आढळल्या असे समितीचे मत आहे. काॅलेजला कायम प्राचार्य नाहीत, शिक्षक स्टाफ नाही, हजेरी नाही, कागदपत्रे नाहीत ज्या क्लास रूममध्ये क्लास भरतो तेथे अनेक दुसरे क्लासही भरतात, काॅलेज ग्रंथालय, लँब, कँटिंग, या ठिकाणी अनेक मटेरियल एक्सपायरी झालेले आढळले, सगळीकडे धुळ, जाळ्या आढळल्या, सकाळी वेगळा वर्ग, दुपारी फार्मसी, सायंकाळी वेगळा क्लास एकाच रुममध्ये भरतो. अनेक साहित्य असे आढळले ते वापरात येत नाही. तेव्हा सर्व कमिटी सदस्यांच्या एकमताने फार्मसी लँब सह इतर सहा लँबला सील करण्यात आले आहे.
आम्ही आमचा प्राथमिक अहवाल विद्यापीठाला देणार आहोत विद्यापीठ याबाबत निर्णय घेईल असे कमिटीने सांगितले.
या आंदोलनाला मनसे, शिवप्रतिष्ठान हिंदुस्तान, संभाजी ब्रिगेड, रिपब्लिकन पक्ष यांच्या सह अनेक सर्वपक्षीय नेत्यांनी जाहीर पाठिंबा दिला होता.
आंदोलन कर्त्याशी चर्चा करण्यासाठी काल उपविभागीय अधिकारी नितीन पाटील, उपविभागीय पोलीस अधिकारी शशिकांत वाखारे यांनी भेट दिली व प्रशासनाला योग्य त्या सूचना दिल्या होत्या. तसेच मुलींच्या तक्रारी साठी महिला साहाय्यक पोलीस निरीक्षक अधिकारी नियुक्ती केली होती.
रात्री भास्कर मोरे विरोधात गुन्हा दाखल करण्यात आला आहे भास्कर मोरे हे अश्लिल चाळे करतात. अशी फिर्याद एका कॉलेजच्या विद्यार्थिनीने दिली आहे. यानुसार जामखेड पोलीस पुढील तपास करत आहेत. तपास उपविभागीय पोलीस अधिकारी शशिकांत वाखारे, पोलीस निरीक्षक महेश पाटील यांच्या मार्गदर्शनाखाली सहाय्यक पोलीस निरीक्षक वर्षा जाधव या करत आहेत.
आता आज फार्मसी लँबला सील ठोकले आहे उद्या आणखी काही कमिट्या येणार आहेत. जेवढ्या काॅलेजला मान्यता आहेत तेवढ्या ठिकाणी तक्रारी दाखल झाल्या आहेत. त्यामुळे आणखी काय काय समोर येते हे थोड्याच दिवसात कळेल.
