जामखेड न्युज——
आमदार रोहित पवारांचा गड खिळखिळा, आत्मपरीक्षणाची गरज
कर्जत जामखेड मतदारसंघात तत्कालीन मंत्री प्रा. राम शिंदे यांचा मोठ्या मताधिक्याने पराभव करत मतदारसंघावर एकहाती वर्चस्व प्रस्थापित केले. अनेक स्थानिक संस्थांच्या पदाधिकाऱ्यांनी राष्ट्रवादी काँग्रेस मध्ये प्रवेश केला. रोहित पवार यांची काम करण्याची पद्धत, स्थानिक पदाधिकाऱ्यांवर विश्वास नसणे, एकाधिकार शाही, ठराविक कानभरवे बरोबर यामुळे सर्व सामान्य कार्यकर्ते नाराज होऊ लागले यातच विधानपरिषदेत आमदार प्रा. राम शिंदे यांची एन्ट्री झाली आणि सरकारही बदलले. आमदार रोहित पवार यांच्या कडे आलेले अनेक कार्यकर्ते पदाधिकारी परत घरवापसी करू लागले.
एका वर्षात झालेल्या अनेक स्थानिक पातळीवरील निवडणूकीत आमदार रोहित पवार यांना जोरदार झटके बसत गेले. जिल्हा बँक, कृषी उत्पन्न बाजार समिती, ग्रामपंचायत, सोसायटी हातचे जाऊ लागले, अनेक पदाधिकारी कोणी मानसन्मान मिळाला नाही म्हणून तर कोणी कामासाठी आमदार रोहित पवार गट सोडून आमदार प्रा. राम शिंदे गटात सहभागी होऊ लागले.
सरकार बदलल्या नंतर तसेच अजित पवार गट सरकार मध्ये सहभागी झाल्यावर शरद पवार गटाकडून आमदार रोहित पवार राज्यात फिरू लागले, राज्याचे नेतृत्व करण्याची संधी म्हणून काम सुरू केले पण याच वेळी कर्जत जामखेड गड खिळखिळा होत आहे याकडे मात्र दुर्लक्ष होत आहे. आगोदर आपले होम ग्राउंड कर्जत जामखेड मजबूत करून नंतर राज्याच्या नेतृत्वचा विचार करणे आवश्यक आहे. सध्या तरी अनेक सरपंच, ग्रामपंचायत सदस्य आमदार प्रा. राम शिंदे यांच्या नेतृत्वाखाली भाजपात प्रवेश करत आहेत. यामुळे आमदार रोहित पवार यांचा मजबूत असणारा गड खिळखिळा होऊ लागला आहे. असे दिसत आहे.
ऐन लक्ष्मी पुजनाच्या दिवशी राष्ट्रवादीचे युवा नेते प्रशांत शिंदे व त्यांच्या शेकडो समर्थकांनी राष्ट्रवादीची साथ सोडत आमदार प्रा राम शिंदे यांच्या नेतृत्वाखाली भारतीय जनता पार्टीत जाहीर प्रवेश केला. हा प्रवेश सोहळा रविवारी आमदार प्रा राम शिंदे यांच्या चोंडी येथील निवासस्थानी पार पडला. प्रशांत शिंदे व त्यांच्या शेकडो समर्थकांनी भाजपात प्रवेश केल्यामुळे राष्ट्रवादीचे आमदार रोहित पवार यांना जोरदार धक्का बसला आहे. जवळा ग्रामपंचायतवर आता भाजपचा कब्जा झाला आहे.
युवा नेते प्रशांत शिंदे यांच्यासमवेत जवळा गावचे नवनिर्वाचित सरपंच सुशिल सुभाष आव्हाड, नवनिर्वाचित ग्रामपंचायत सदस्य शितल प्रशांत शिंदे, सोनाली राहूल पाटील, रफिकभाई शेख, राधिका मारूती हजारे, भाऊसाहेब महारनवर, मंगल आव्हाड, नंदा कल्याण आव्हाड, हरिदास हजारे, सारिका रोडे, जयश्री कोल्हे या सर्वांनी आपल्या शेकडो समर्थकांसह भाजपात प्रवेश केला. यावेळी आमदार प्रा राम शिंदे यांनी सर्वांचे पक्षात स्वागत करत पुढील वाटचालीस शुभेच्छा दिल्या. तसेच जवळा ग्रामपंचायत निवडणुकीत घवघवीत यश मिळवल्याबद्दल सर्व नवनिर्वाचित पदाधिकारी व ग्रामपंचायत सदस्यांचा यावेळी भव्य सत्कार चोंडी येथे संपन्न झाला.
क्ष 
यावेळी पार पडलेल्या कार्यक्रमावेळी अहमदनगर जिल्हा बँकेचे संचालक अंबादास पिसाळ, कर्जत बाजार समितीचे सभापती काकासाहेब तापकीर, जामखेड बाजार समितीचे सभापती शरद दादा कार्ले, संचालक सचिन घुमरे, डाॅ गणेश जगताप, माजी जिल्हा परिषद सदस्य अशोक खेडकर, सोमनाथ पाचरणे, डाॅ सुनिल गावडे, तुषार पवार, अनिल गदादे, पांडुरंग उबाळे, लहू शिंदे, बापुराव ढवळे, जवळा ग्रामविकास पॅनलचे प्रमुख मुरली अण्णा हजारे, काकासाहेब वाळुंजकर, दशरथ कोल्हे, राहुल पाटील, सोमनाथ वाळुंजकर, तुकाराम भाऊसाहेब हजारे, प्रमोद कोल्हे, एकनाथ हजारे, अनंता लेकुरवाळे, दीपक देवमाने, महेंद्र खेत्रे, सावता हजारे, पांडुरंग रोडे, डॉ ईश्वर हजारे, तानाजी पवार, राहुल मासोळे, अनिल माने, नाना कोल्हे, राष्ट्रपाल आव्हाड सह आदी उपस्थित होते.
चौकट
जवळा ग्रामपंचायत निवडणुकीला सामोरे जाताना कुठल्याही पक्षाचं लेबल लावलं नव्हतं, निवडणूक पुर्ण ताकदीने लढवली आणि जिंकली. आता गावाचा विकास करायचा असेल आणि गावाला वेगळेपण द्यायचं असेल तर आमदार प्रा.राम शिंदे यांच्या नेतृत्वाशिवाय पर्याय नाही. शिंदे साहेब नेहमी काम करताना मोकळीक देतात. यामुळे पुन्हा एकदा आम्ही सर्वांनी एकमुखी निर्णय घेत आमदार प्रा.राम शिंदे साहेबांच्या नेतृत्वाखाली काम करण्याचा निर्णय घेतला आहे. त्यानुसार आज ग्रामपंचायत पदाधिकारी व शेकडो समर्थकांसह भारतीय जनता पार्टीत प्रवेश केला.
प्रशांत शिंदे, जवळा ग्रामविकास पॅनल
चौकट
जवळा गावाच्या विकासासाठी आजवर भरघोस निधी दिला आहे. यापुढेही निधीची कमतरता पडू देणार नाही. विकासाच्या संदर्भात कुठलीही अडचण येऊ देणार नाही. मी तुमच्या पाठीशी खंबीरपणे उभा आहे. प्रशांत शिंदे व त्यांच्या सहकाऱ्यांनी आज पुन्हा पक्षात प्रवेश केलाय. त्या सर्वांचे पक्षात मनापासून स्वागत. पक्षात आलेल्या सर्वांचा मानसन्मान राखला जाईल. तुमच्या स्वागतालाच 25 लाख रूपयांचा निधी देऊन तुमचा सन्मान केला आहे. जवळा ग्रामपंचायत निवडणुकीत निवडून आलेल्या सरपंच, ग्रामपंचायत सदस्य तसेच सर्व नेते कार्यकर्ते यांचे मनापासून अभिनंदन व सर्वांचे पक्षात मनापासून स्वागत.
आमदार प्रा.राम शिंदे
