जामखेड प्रतिनिधी
जामखेड न्युज – – (सुदाम वराट)
कोरोनाच्या तिसऱ्या लाटेला प्रतिबंध करण्यासाठी प्रशासन व सामाजिक संस्थांकडून विविध प्रतिबंधात्मक उपाय योजना राबविण्यात येत आहेत. त्यानुसार नगर जिल्ह्यातील जामखेड तालुक्यातील रत्नदीप मेडिकल फौंडेशन अँड रिसर्च सेंटर रत्नापूर या संस्थेमार्फत एक अनोखा उपक्रम राबविला आहे. या संस्थेमार्फत युरेका फोरब्ज या नामांकित कंपनीकडून कोरोनाचा विषाणू निष्क्रिय करणारे कोरोना गार्ड हे विकसित करण्यात आलेले यंत्र शासकीय कार्यालयांना भेट देऊन कार्यान्वित करण्यात आले आहेत. रत्नदीप मेडिकल फौंडेशन अँड रिसर्च सेंटर रत्नापूर या संस्थेमार्फत संस्थेच्या नर्सिंग, फार्मसी व होमिओपॅथीक महाविद्यालयाच्या शैक्षणिक संकुलासह तहसील कार्यालय जामखेड, पोलिस स्टेशन जामखेड व ग्रामीण रुग्णालय जामखेड येथे युरेका फोरब्ज या नामांकित कंपनीचे कोरोना गार्ड यंत्रणा कार्यान्वित करण्यात आली.यावेळी प्रांताधिकारी अर्चना नष्टे, तहसीलदार विशाल नाईकवाडे संस्थेचे अध्यक्ष डॉ.भास्कर मोरे पाटील व सचिव डॉ.वर्षां मोरे पाटील, तालुका आरोग्य अधिकारी डॉ.सुनिल बोराडे, वैद्यकीय अधीक्षक डॉ.संजय वाघ, वैद्यकीय अधिकारी डॉ.शशांक शिंदे, सलिम बागवान, शरद ढवळे, विशाल गर्जे, राहुल उगले आदी मान्यवर उपस्थित होते.
कोरोना चा वाढता संसर्ग पाहता कोरोनाचा झपाट्याने होत असलेला प्रादुर्भाव पाहता जामखेड व कर्जत तालुक्यातील लोकांसाठी रत्नदीप मेडिकल फौंडेशन अँड रिसर्च सेंटर रत्नापूर या संस्थेमार्फत विविध प्रतिबंधात्मक उपाययोजनां राबविण्यात येत असून युरेका फोरब्ज या नामांकित कंपनीची कोरोना गार्ड ही कोरोना संसर्ग रोखण्यात प्रभावी असणारी यंत्रणा संस्थेच्या नर्सिंग, फार्मसी व होमिओपॅथीक काॅलेजच्या शैक्षणिक संकुलासह लसीकरण केंद्र,ग्रामीण रुग्णालय जामखेड, तहसिल कार्यालय जामखेड व पोलिस स्टेशन जामखेड इत्यादी गर्दीच्या सार्वजनिक ठिकाणी कार्यान्वित करण्यात आली आहे.
यापूर्वी कोरोना प्रादुर्भावाच्या पहिल्या टप्प्यात देखील स्थानिक प्रशासनाने संस्थेच्या शैक्षणिक संकुलात संस्थेच्या सहकार्याने कोवीड केअर सेंटर सुरू केले होते. यावेळीही जामखेड व कर्जत तालुक्यातील लोकांसाठी संस्थेमार्फत कोवीड केअर सेंटर सुरू करण्यात आले असल्याची माहिती संस्थेचे अध्यक्ष डॉ.भास्कर मोरे पाटील व सचिव डॉ.वर्षां मोरे पाटील यांनी दिली आहे.
चौकट
कोरोना आपत्ती व्यवस्थापनासाठी रत्नदीप मेडिकल फौंडेशन अँड रिसर्च सेंटर रत्नापूर या संस्थेमार्फत विविध कोरोना प्रतिबंधात्मक उपाय योजना राबविण्यात येत असून या संस्थेचे प्रशासनास वेळोवेळी सहकार्य लाभत आहे.
प्रांताधिकारी सौ.अर्चना नष्टे
चौकट
रत्नदीप मेडिकल फौंडेशन अँड रिसर्च सेंटर रत्नापूर या संस्थेमार्फत नेहमीच विविध सामाजिक उपक्रम राबविण्यात येतात.संस्थेचे अध्यक्ष डॉ.भास्कर मोरे हे प्रशासनास नेहमीच मदत करत असतात.
तहसीलदार विशाल नाईकवाडे