जामखेड प्रतिनिधी
जामखेड न्युज – – (सुदाम वराट)
कोरोना रूग्णांवर औषधोपचारासह चहा नाष्टा व दोन वेळच्या जेवणाची मोफत सोय करणार्या आरोळे कोविड सेंटर मधुन आतापर्यंत हजारो रूग्ण बरे होऊन घरी परतलेले आहेत तेही अगदी मोफत यामुळे सामाजिक जाणिवेतून आरोळे कोविड सेंटरला मदत करावी असे आवाहन स्वाभिमानी शेतकरी संघटनेचे तालुकाध्यक्ष मंगेश (दादा) आजबे यांनी केले होते. त्यांच्या आवाहनाला प्रतिसाद देत पै. नामदेवराव कुमटकर यांच्या मार्गदर्शनाखाली राजेवाडी ग्रामस्थांनी आज आरोळे कोव्हीड सेंटरला तेरा क्विंटल धान्य मदत म्हणून दिले.
यावेळी आरोळे कोविड सेंटरचे संचालक डॉ. रवी (दादा) आरोळे, पोलीस निरीक्षक संभाजी गायकवाड, स्वाभिमानी शेतकरी संघटनेचे तालुकाध्यक्ष मंगेश आजबे, पंचायत समितीचे माजी सदस्य शरद कार्ले, बाबासाहेब गोरे, बाबासाहेब शेंडकर, विकास शेंडकर, समाधान कुमटकर, माऊली गोरे, शंभूराजे निंबाळकर ,दादासाहेब गोरे ,किसन निंबाळकर, बंडू कुमटकर, सुरेश कुमटकर आदी सह ग्रामस्थ कार्यकर्ते उपस्थित होते.
आपल्या मोफत व विना रेमडेसीवीर इंजेक्शन उपचार पद्धतीमुळे या कोविड सेंटरची ख्याती राज्यात नव्हे तर संपूर्ण देशात आपल्या कामामुळे आरोळे कोविड सेंटर चर्चेत आले आहे आतापर्यंत कोविड सेंटरने कोट्यावधी रुपये पदरमोड करून खर्च केले आहेत त्यामुळे या कोविड सेंटरला सामाजिक दातृत्वातुन मदत करावी असे आवाहन स्वाभिमानी शेतकरी संघटनेचे तालुकाध्यक्ष मंगेश आजबे यांनी केले होते त्यानुसार आज पै. नामदेवराव कुमटकर यांच्या मार्गदर्शनाखाली राजेवाडी ग्रामस्थांनी तेरा क्विंटल धान्य आरोळे कोविड सेंटरला दिले. ग्रामस्थांच्या सामाजिक दातृत्वाबद्दल डॉ. रवी आरोळे यांनी राजेवाडी ग्रामस्थांचे आभार मानले.
