जामखेड न्युज—–
कर्जत जामखेड तालुक्यातील राष्ट्रवादी सैरभैर -आमदार प्रा. राम शिंदे
विरोधकांनी पँनल सोडून दिला आहे एक एक मत मागत आहेत
आमदाराच्या कारभाराला कंटाळून राष्ट्रवादी काँग्रेस सह महाविकास आघाडी सैरभैर झाली आहे. कार्यकर्ते व पदाधिकारी प्रचंड नाराज आहेत. आपण कोणासही जीव तोडून काम केले. काय फायदा आमदार विचारत नाही सर्व काही बारामती वरून येत आहे. जेसीबी मशीन, डिझेल तसेच सर्व्हे करणारे कर्मचारी पी. ए. सगळ काही बारामती वरून येत आहे. कार्यकर्त्यांचा कसलीही किंमत नाही. कार्यकर्त्यांमध्ये प्रचंड असंतोष आहे हे बाजार समिती निवडणुकीत दिसून येणार आहे. सत्ता तर स्वाभिमानी शेतकरी विकास पॅनलचीच येणार असे आमदार प्रा. राम शिंदे यांनी खर्डा येथील प्रचार सभेत बोलताना सांगितले.
यावेळी दर्जाचे प्रविण घुले, भाजपाचे विधानसभा प्रमुख रविंद्र सुरवसे, भाजपा तालुकाध्यक्ष अजयदादा काशिद, माजी सभापती डाॅ. भगवान मुरुमकर, माजी जिल्हा परिषद सदस्य सोमनाथ पाचरणे, सामाजिक कार्यकर्ते प्रा. सचिन गायवळ, काँग्रेसचे तालुकाध्यक्ष शहाजी राजेभोसले, राहुल उगले, पांडुरंग उबाळे, लहू शिंदे,ज्योती क्रांतीचे चेअरमन अजिनाथ हजारे,बापुराव ढवळे, मनोज कुलकर्णी, प्रविणशेठ चोरडिया, डाॅ. ज्ञानेश्वर झेंडे, सोमनाथ राळेभात, अँड.बंकटराव बारवकर, मनोज राजगुरू, दयानंद कथले सह आदी प्रमुख पदाधिकारी तसेच खर्डा जिल्हा परिषद गटातील विविध गावांचे सरपंच, उपसरपंच, ग्रामपंचायत सदस्य, सोसायटी चेअरमन व संचालक मोठ्या संख्येने उपस्थित होते.
यावेळी बोलताना आमदार प्रा. राम शिंदे म्हणाले की, तुमच्या जीवाभावाचा, आपला, आपल्यातला माणूस, स्वाभिमान जागृत करणारा आपली ओळख महाराष्ट्रामध्ये निर्माण करणारा कार्यकर्ता तुम्ही निर्माण केला. आमदार म्हणून पाहिलाय, मंत्री म्हणून पाहिलाय, या काळात मी अनेक लोकांना समर्थन देण्याचा प्रयत्न केला. त्यातील काही लोकांनी माझा विश्वासघात केला. पण जनतेने माझा कधीच विश्वासघात केला नाही. जनता माझ्या पाठीशी सातत्याने खंबीरपणे उभी राहिली आहे. यंदाच्या बाजार समिती निवडणुकीत नेहमीप्रमाणे जनतेचे भरभरून प्रेम आणि आशिर्वाद मिळेल यात तिळमात्र शंका नाही. जामखेड बाजार समितीवर स्वाभिमान शेतकरी विकास पॅनलचा झेंडा फडकणार ही काळ्या दगडावरची पांढरी रेष आहे, असा ठाम विश्वास आमदार प्रा.राम शिंदे यांनी व्यक्त केला.
कर्जत जामखेड तालुक्यातील जनतेला भुलभुलैय्या चांगला लक्षात आला आहे.
शिंदे पुढे म्हणाले की, बाहेरून आलेल्या नेतृत्वाने सातत्याने लोकांना फसवण्याची भूमिका पार पाडली. ही भूमिका पार पाडत असताना या तालुक्याला कोण वाली आहे की नाही अशी परिस्थिती निर्माण झाली. पण काळजी करायचं कारण नाही, तुमच्या पाठीशी मी सदैव उभा आहे. स्वता:च्या नावासाठी कार्यकर्त्यांचा बळी देणारा मी कार्यकर्ता नाही, कार्यकर्त्यांचा मान सन्मान करणारा मी कार्यकर्ताय, येणाऱ्या कालखंडात तुम्ही मला साथ द्या, तुमच्यासाठी मी माझ्या जीवाचं अन रक्ताचं थेंब ना थेंब दिल्याशिवाय राहणार नाही, अशी भावनिक साद त्यांनी उपस्थितांना घातली.
आमदार राम शिंदे म्हणाले की,मागील कालखंडामध्ये आपण आपल्या तालुक्यामध्ये विकासाची गंगा आणली. अडीच वर्षानंतर विधानपरिषदेचा आमदार झाल्यापासून मतदारसंघात विकास कामांचा झंझावात सुरू केला आहे.विकासाच्या माध्यमांतून आपण जे जे कामं केली, त्यामाध्यमांतून खऱ्या अर्थाने लोकांचा विश्वास संपादन करू शकलो.
महाविकास आघाडीतील राष्ट्रवादी काँग्रेस चा कर्जत तालुकाध्यक्ष, ठाकरे शिवसेना तालुकाप्रमुख, जामखेड तालुक्यातील काँग्रेस आपल्या बरोबर आहे. म्हणून आमदार सैरभैर झाले आहेत. आणि वंचित एकाचा पाठिंबा ही प्रेसनोट पाठवत आहेत त्यांना त्यांचा पराभव दिसून आला आहे म्हणून एक एक स्वत: साठी मते मागत आहेत पँनल कधीच सोडून दिला आहे.
जलयुक्त कामात महाराष्ट्र देशात प्रथम तर राज्यात कर्जत जामखेड प्रथम होते. शेतकरी केंद्र बिंदू माणून काम केले.
मतदारांनी कोणालाही घाबरण्याचे कारण नाही. बँकेला कोणत्याही सोसायटीचे कर्ज अडवता येत नाही जर कोणी असे केले तर ते अधिकारी अडचणीत येतील. आपल्या कडेही बरेच शस्त्र आहेत त्यातील काही शस्त्र बाहेर काढू ज्या सोसायटीला कर्ज मिळणार नाही त्यांनी फोन करा.
विरोधी पँनलचा एकत्रित प्रचार नाही, सर्व काही बेबनाव आहे. आता मला वाचवा म्हणून एक एक मत मागत पँनलवाले फिरत आहेत.
