अर्जुन रासकर यांच्या तर्फे साकत येथे अखंड हरिनाम सप्ताहामध्ये पारायण करण्यासाठी ज्ञानेश्वरीचे दहा ग्रंथ भेट

जामखेड न्युज——

अर्जुन रासकर यांच्या तर्फे साकत येथे अखंड हरिनाम सप्ताहामध्ये पारायण करण्यासाठी ज्ञानेश्वरीचे दहा ग्रंथ भेट

आजपासून प्रतिपंढरपुर म्हणून ओळखले जाणाऱ्या साकतमध्ये अखंड हरिनाम सप्ताह सुरू झाला आहे. यात पारायण व भंजन करण्यासाठी अर्जुन रासकर सरांनी ज्ञानेश्वरी ग्रंथ, संत तुकाराम महाराज यांचे नाटाचे अभंग, हरिपाठ व भगवतगीता यांचे प्रत्येकी दहा पुस्तके ग्रामस्थांना भेट देण्यात आलु आहेत. यामुळे ग्रामस्थांनी रासकर सरांचा सप्ताह समितीच्या वतीने सन्मान करण्यात आला.

जामखेड तालुक्यातील साकत येथे अखंड विणा वादणास व नंदादीपास ६८ वर्षे पूर्ण झाल्याबद्दल तसेच संत शिरोमणी नामदेव महाराज यांच्या सप्तशत्तकोत्तर सुवर्ण महोत्सवी जन्मोत्सव सोहळ्यानिमित्त, आखील भारतीय वारकरी मंडळ प्रेरित आज गुरूवार दि. १६ एप्रिल पासून भव्य- दिव्य अखंड हरिनाम सप्ताहात सुरूवात होत आहे. पारायण करण्यासाठी ज्ञानेश्वरी ग्रंथ आवश्यक आहे हिच गरज ओळखून अर्जुन रासकर सरांनी दहा ज्ञानेश्वरी, दहा गाथा अभंग, दहा भगवत गीता, दहा हरिपाठ ग्रंथ भेट दिली आहेत.

यावेळी हभप माऊली महाराज कोल्हे, हभप भिमराव महाराज मुरूमकर, बाबा महाराज मुरूमकर, दिनकर महाराज मुरूमकर, ज्ञानदेव मुरूमकर, मुख्याध्यापक दत्ता काळे, अर्जुन रासकर, राजकुमार थोरवे, सुदाम वराट, अतुल दळवी, अश्रू सरोदे, रामभाऊ मुरूमकरमुरूमकर यांच्या सह अनेक भाविक भक्त उपस्थित होते.

सप्ताहामध्ये दैनिक कार्यक्रम पुढील प्रमाणे आहेत.

श्री ग्रंथराज ज्ञानेश्वरी पारायण सोहळ्याचे व्यासपीठ चालक हभप माऊली महाराज कोल्हे असतील तर दररोज पहाटे ४ ते ६ गाथाभजन, सकाळी ६ ते ७ विष्णुसहस्रनाम, ७ ते १० ज्ञानेश्वरी पारायण, १० ते १२ गाथा भजन, सायंकाळी ६ ते ७ हरिपाठ, ९ ते ११ हरिकिर्तन, ११ ते ४ हरिजागर असा दिनक्रम असेल.

पुढीलप्रमाणे मान्यवर कीर्तनकारांची किर्तनसेवा होईल

गुरूवार दि १६ एप्रिल रोजी कर्जत येथील विनोदाचार्य हभप आक्रुर महाराज साखरे

शुक्रवार दि. १७ रोजी डिकसळ येथील हभप आण्णासाहेब महाराज बोधले,

शनिवार दि. १८ रोजी कर्जत येथील हभप प्रकाश महाराज जंजिरे

रविवार दि. १९ रोजी भूम येथील हभप अतिश महाराज कदम

सोमवार दि. २० रोजी पंढरपूर येथील ज्ञानसिंधू हभप जयवंत महाराज बोधले

मंगळवार दि. २१ रोजी बीड येथील हभप महादेव महाराज राऊत

बुधवार दि. २२ रोजी नागपूर येथील प्रसिद्ध रामायणाचार्य हभप रामराव महाराज ढोक

तसेच गुरूवार दि. २३ रोजी सकाळी ९ ते ११ हभप प्रकाश महाराज बोधले डिकसळ राष्ट्रीय अध्यक्ष अखिल भारतीय वारकरी मंडळ यांचे काल्याचे किर्तन होईल तरी पंचक्रोशीतील भाविक भक्तांनी या सुवर्णसंधीचा लाभ घ्यावा असे आवाहन संयोजकांच्या वतीने करण्यात आले आहे.

संयोजन हभप भिमराव महाराज मुरूमकर व हभप बाबा महाराज मुरूमकर तसेच रविवार दि. १९ रोजी सोलापूर येथील भारूडाचार्य बालाजी महाराज शिरसाठ यांचे सायंकाळी ११ ते ०१ या वेळेत भारुडाचा कार्यक्रम होईल.

सप्ताहासाठी गायनाचार्य म्हणून हभप हरिभाऊ महाराज काळे, माऊली महाराज कोल्हे, हभप माऊली महाराज गाडे, हभप दादा महाराज सातपुते, हभप काका महाराज निगुडे, हभप पंढरीनाथ महाराज राजगुरू, हभप दिनकर महाराज मुरूमकर, हभप गहिनीनाथ सकुंडे, हभप अशोक महाराज सपकाळ, विठ्ठल भजनी मंडळ, श्री साकेश्वर भजनी मंडळ, हभप प्रकाश महाराज बोधले यांच्या फडावरील भजनी मंडळ असणार आहेत.