जामखेड न्युज – – – –
नगर जिल्ह्यातील जामखेड तालुक्यातील प्रसिद्ध साहित्यिक प्रा.आ.य.पवार यांच्या विज्ञान आणि निसर्ग कवितावर गुरुवार दि.५/५/२२ रोजी एक दिवसीय राष्ट्रीय चर्चासत्राचे लातूर येथील व्यंकटराव देशमुख महाविद्यालय व स्वा.रा.ती.विद्यापीठ नांदेड यांच्या संयुक्त विद्यमाने प्राचार्य राम वाघ यांच्या अध्यक्षतेखाली सकाळी १० ते ३ या वेळेत आयोजित करण्यात आले आहे. जामखेडचे कवी पवार यांच्या कवितांचे राष्ट्रीय पातळीवर चर्चा सत्राचे आयोजन झाल्याने परिसरातील लेखक व कवी यांनी पवार यांच्यावर अभिनंदनाचा वर्षांव केला आहे.
चर्चा सत्र तीन सत्रात होत असून वाराणसी
विद्यापीठाचे ( उत्तर प्रदेश) मराठी विभाग प्रमुख व प्रसिद्ध समीक्षक डॉ.प्रमोद पडवळ चर्चा. सत्राचे उद्घाटन करणार आहेत. प्रसिद्ध लेखिका व विज्ञान साहित्याच्या अभ्यासक आणि अमरावती विद्यापीठाच्या मराठी विभाग प्रमुख डॉ मोना चिमोटे चर्चा सत्राचे बीजभाषण करणा आहेत.गोवा विद्यापीठाचे डॉ.चिन्मय घैसास, नांदेड विद्यापीठाचे डॉ पथ्वीराज तौर. आदि मान्यवरांसह राज्यातील विविध महाविद्यालयातील नामवंत समीक्षक, अभ्यासक या आभासी चर्चा सत्रात सहभागी झाले आहेत.
आ.य.पवारांच्या कविता विविध विद्यापीठांच्या पदवी अभ्यासक्रमात असून त्यांच्या कवितेवर तीन समीक्षा ग्रंथ
मान्यवर संपादकांनी संपादित केले आहेत. कवी पवार यांनी
नव्वदोत्तरी मराठी कवितेत दुर्मिळ विज्ञान कवितेचा प्रवाह समृद्ध केला असून, शेत शिवार व बांधावरील निसर्ग रुपाची चित्रणे वेगळ्या शब्दशिल्पात रेखाटली असल्याने ही निसर्ग कविता समीक्षकांना प्रयोगशिल वळणाची
व स्वतंत्र वाटते. देशमुख महाविद्यालयाचे मराठी विभाग प्रमुख डॉ जयदेवी पवार व डॉ दुष्यंत कटारे चर्चासत्राचे संयोजक आहेत.
