जामखेड न्युज – – – –
राज्य उत्पादन शुल्क विभागामार्फत परराज्यातील महाराष्ट्राच्या हद्दितून जाणारे टॅकर तपासणी करत असताना मिळालेल्या गुप्त बातमीनुसार आज दि. ६ रोजी मध्य प्रदेश येथून केरळ राज्यात मद्यार्क घेऊन जाणारे टॅकर तपासणी करत असताना हॉटेल जम्मू हिमाचल पंजाबी चौधरी
धाबाच्या पाठीमागील मोकळ्या जागेत नगर मनमाड रोड लगत देवळाली प्रवरा शिवार तालुका राहुरी जिल्हा अहमदनगर या ठिकाणी टॅकर क्रमांक MP 09 HH7648 या टँकरमधून मद्यार्क टँकर चे झाकण उघडून पाइपच्या साहाय्याने पिकअप मध्ये असलेल्या 35 लिटर क्षमतेच्या प्लास्टिक कॅनमध्ये पाइपच्या सहाय्याने काढलेले एकूण 280 लिटर मद्यार्क पिकअप मध्ये आढळून आले सदर पिकअपचा क्रमांक MH 1211 40 47 असा आहे सदर ठिकाणी आरोपी टँकर चालक मालक व पिकअप चालक-मालक अंधाराचा फायदा घेत फरार झाले.
सदरील टँकर हा ओअसिस डिस्टिलरी लिमीटेड धार मध्य प्रदेश येथून युनायटेड डिस्टिलरीज केरळ येथे चाललेला होता सदर टॅकरमध्ये 30000 लिटर अति शुद्ध मद्यार्क ENA असल्याची कागदपत्रावर नोंद असून टँकरचा आयात व निर्यात परवाना आहे परंतु सदर टँकर मधील
अतिशुद्ध मद्यार्क ची मोजदाद केली असता मद्यार्क टॅकर मध्ये तफावत असल्याचे दिसून आले म्हणजेच आयात निर्यात परवाना असलेल्या टँकरचे सील तोडून मद्यार्क काढण्यात आले सदरील मद्यार्क हे बनावट मद्य व हातभट्टी गावठी दारू मध्ये मिश्रण करण्यासाठी वापरण्यात येणार
असल्याची शक्यता होती. सदर कारवाई मध्ये दोन वाहनांसह 45,11,360/- रुपये किमतीचा मुद्देमाल
जप्त करण्यात आला असून सदर पळून गेलेल्या इसमा विरुद्ध मुंबई दारुबंदी कायदा 1949 अंतर्गत गुन्हा दाखल केला असून सदर कारवाई राज्य उत्पादन शुल्क विभागाचे आयुक्त श्री कांतीलाल उमाप साहेब, उषा वर्मा संचालक अंमलबजावणी व दक्षता राज्य उत्पादन शुल्क, मुंबई, श्री प्रसाद सुर्वे विभागीय उपायुक्त, राज्य उत्पादन शुल्क पुणे व श्री गणेश पाटील अधीक्षक राज्य उत्पादन शुल्क अहमदनगर यांचे मार्गदर्शनाखाली श्री नितेश शेंडे उपाधिक्षक राज्य उत्पादन शुल्क, श्री अनिल पाटील निरीक्षक राज्य उत्पादन शुल्क, श्री गोपाल चांदेकर निरीक्षक राज्य उत्पादन शुल्क भरारी पथक क्रमांक 2 श्रीरामपूर, श्री संजय कोल्हे निरीक्षक राज्य उत्पादन शुल्क कोपरगाव, दुय्यम निरीक्षक श्री के यु छत्रे, नंदू परते व
अजित बडदे सहाय्यक दुय्यम निरीक्षक सर्वश्री के के शेख, आर बी कदम व नारायण तुबे जवान सर्वश्री पी पी साळवे, बी के नागरे व बी बी करंजुले महिला जवान श्रीमती एस आर फटांगरे, वाहन चालक निजवान, श्री विपुल करपे, सुशांत कासुळे व दीपक बर्डे इ.यांनी सदर कारवाई मध्ये भाग घेतला असून सदर गुन्ह्याचा पुढील तपास श्री गोपाल चांदेकर, निरीक्षक राज्य उत्पादन शुल्क भरारी पथक क्रमांक 2 श्रीरामपूर हे करत आहेत.
