जामखेड न्युज – – – – – –
‘भाजपात कसलीही गटबाजी नाही’, जिल्हा बँकेबाबत १५ सप्टेंबरनंतर भूमिका स्पष्ट करू – सभापती प्रा. राम शिंदे
जामखेड शहरातील सिटी केअर सेंटर व सिटी केअर फार्मसीच्या उद्घाटनप्रसंगी राजकीय घडामोडींवर पत्रकारांनी विचारलेल्या प्रश्नांना उत्तर देताना सभापती प्रा. राम शिंदे यांनी भाजपातील गटबाजीच्या चर्चांना पूर्णविराम देण्याचा प्रयत्न केला.
अहिल्यानगर जिल्ह्यामध्ये विधान परिषदेचे सभापती राम शिंदे आणि पालकमंत्री राधाकृष्ण विखे पाटील यांच्यातील सुप्त युद्ध हे राजकीय वर्तुळात चर्चेचा विषय ठरत असतात.अहिल्यानगर जिल्हा बँकेच्या निवडणुकीच्या पार्श्वभूमीवर भाजपमध्ये दोन गट पडल्याचे पाहायला मिळत आहे राम शिंदे यांचा एक गट तर पालकमंत्री राधाकृष्ण विखे पाटील यांचा एक गट पडल्याच्या पाहायला मिळत आहे त्यामुळे भाजपचे हे दोन्ही नेते एकमेकांच्या कार्यक्रमात साधी उपस्थिती देखील लावत नाहीत याबाबत विधान परिषदेचे सभापती राम शिंदे यांना पत्रकारांनी विचारले असता त्यांनी सुरुवातीला आमच्यामध्ये गटबाजी नसल्याचे म्हटल आहे मात्र दुसरीकडे अहिल्यानगर मध्ये झालेला भाजप कार्यकारणीच्या बैठकीमध्ये भाजपचे स्थानिक नगरसेवक हे अनुपस्थित राहिल्याने राजकीय चर्चांना उधाण आल आहे.
भाजपच्या नगरसेवकांना नेमकी कोणाकडून सूचना देण्यात आली होती याबाबत तर्कवितर्क लावले जात आहे.. पुढे बोलताना राम शिंदे म्हणाले की मी विधानपरिषदेचा सभापती आहे मी माझ्या कार्यक्रमांमध्ये व्यस्त असतो तर ते पालकमंत्री आहेत ते त्यांच्या कार्यक्रमांमध्ये व्यस्त असतात तर दुसरीकडे अहिल्यानगर जिल्हा बँकेत राम राज्य येणार का असे पत्रकारांनी विचारले असता राम शिंदे म्हणाले की, पंधरा तारखेला अंतिम यादी येईल त्यानंतर काय होतं पाहू असं म्हणत राम शिंदे यांनी स्पष्ट भूमिका मांडण्यास बगल दिले आहे.
जामखेड शहरात आयोजित सिटी केअर फार्मसीच्या उद्घाटन समारंभात सभापती प्रा. राम शिंदे यांच्या हस्ते उद्घाटन करण्यात आले. यावेळी विविध क्षेत्रातील मान्यवरांची मोठी उपस्थिती होती. कार्यक्रमादरम्यान पत्रकारांनी जिल्हा बँकेसह भाजपातील अंतर्गत राजकीय घडामोडींविषयी प्रश्न उपस्थित केले याला सभापती प्रा राम शिंदे यांनी उत्तराला बगल दिली.
