बाजीराव गोपाळघरे यांची भाजपायुमो अहिल्यानगर दक्षिण जिल्हा सरचिटणीसपदी निवड “जामखेडच्या युवा नेतृत्वाला मोठी जबाबदारी; कार्यकर्त्यांमध्ये उत्साहाचे वातावरण”
बाजीराव गोपाळघरे यांची भाजपायुमो अहिल्यानगर दक्षिण जिल्हा सरचिटणीसपदी निवड
“जामखेडच्या युवा नेतृत्वाला मोठी जबाबदारी; कार्यकर्त्यांमध्ये उत्साहाचे वातावरण”
भारतीय जनता पक्षाचे प्रदेशाध्यक्ष रविंद्रजी चव्हाण यांच्या मार्गदर्शनाखाली तसेच विधानपरिषद सभापती तथा ज्येष्ठ नेते मा. राम शिंदे यांच्या सूचनेनुसार भारतीय जनता युवा मोर्चा अहिल्यानगर दक्षिण जिल्हा कार्यकारिणीची घोषणा करण्यात आली आहे.
या कार्यकारिणीत जामखेड तालुक्यातील सक्रिय व अभ्यासू युवा नेतृत्व बाजीराव गोपाळघरे यांची भाजयुमो अहिल्यानगर दक्षिण जिल्हा सरचिटणीस पदावर निवड करण्यात आली आहे.
नियुक्तीपत्र प्रदान भाजयुमो अहिल्यानगर दक्षिणचे जिल्हाध्यक्ष सचिन अंकुश वायकर यांनी गोपाळघरे यांना नियुक्तीपत्र देऊन ही निवड जाहीर केली.
कार्यकर्त्यांत आनंद गोपाळघरे यांच्या निवडीमुळे जामखेड तालुक्यासह संपूर्ण अहिल्यानगर दक्षिण जिल्ह्यातील भाजयुमो कार्यकर्त्यांमध्ये आनंदाचे वातावरण निर्माण झाले आहे. जामखेड शहरात फटाक्यांची आतषबाजी करून व पेढे वाटून कार्यकर्त्यांनी जल्लोष केला.
गोपाळघरे यांची प्रतिक्रिया या निवडीबद्दल बाजीराव गोपाळघरे यांनी विधानपरिषद सभापती राम शिंदे, भाजयुमो प्रदेशाध्यक्ष कृष्णराज महाडिक, पालकमंत्री राधाकृष्ण विखे पाटील, मंत्री पंकजाताई मुंडे, आमदार मोनिका राजळे, खासदार डॉ. सुजय विखे पाटील, आमदार विक्रमसिंह पाचपुते, आमदार अक्षय कर्डिले, आमदार सुनील कर्जतकर, आमदार प्राजक्त तनपुरे, भाजपा जिल्हाध्यक्ष दिलीप भालसिंग, भाजयुमो जिल्हाध्यक्ष सचिन वायकर यांच्यासह सर्व वरिष्ठ नेत्यांचे आभार मानले.
“पक्षाने दिलेली जबाबदारी प्रामाणिकपणे पार पाडून युवकांचे संघटन, केंद्र व राज्य सरकारच्या योजना तळागाळापर्यंत पोहोचवणे आणि आगामी निवडणुकांमध्ये युवाशक्तीच्या जोरावर पक्षाला यश मिळवून देण्यासाठी काम करणार,” अशी ग्वाही गोपाळघरे यांनी दिली.
शुभेच्छांचा वर्षाव गोपाळघरे यांच्या निवडीबद्दल जामखेड तालुका भाजपा मंडल, युवा मोर्चा, महिला मोर्चा, सर्व आघाड्यांचे पदाधिकारी व कार्यकर्त्यांनी त्यांचे अभिनंदन केले आहे.
