जामखेड न्युज – – – – –
-
नगरपरिषदेच्या भ्रष्टाचारी चिंगळ्या पकडल्या आता शार्क माशावर कारवाई कधी – आमदार रोहित पवार
शार्क माशाला कोणाचे अभय?
भाजपाच्या ताब्यात असलेल्या जामखेड नगरपरिषेतील भ्रष्ट कारभाराचा लाचलुचपत प्रतिबंधक विभागाने आज जाहीर पंचनामा केला. जन्म दाखला देण्यासाठी ३ हजार रुपये लाचेची मागणी केल्याबद्दल लाचलुचपत प्रतिबंधक विभागाने लिपीक आणि मदतनीस अशा दोघांवर कारवाई केली, पण हे दोघेही केवळ छोट्या छोट्या चिंगळ्या आहेत.
नगरपरिषद प्रशासनातील भ्रष्टाचारातला सर्वांत मोठा शार्क मासा सर्वांना माहित असून तो मात्र यातून अद्याप नामानिराळा आहे.. आधी भ्रष्टाचाराच्या पाण्यात पोहणाऱ्या या शार्क माशाला कारवाईच्या जाळ्यात अडकवून पाण्याबाहेर काढण्याची गरज आहे. असं केलं तरच बाकीच्या चिंगळ्याही नीट काम करतील आणि जामखेडकरांची भ्रष्ट कारभाराच्या त्रासातून सुटका होईल.
विशेष म्हणजे याच शार्क माशाला मुदतवाढ देण्याचा सत्ताधारी भाजपचा प्रयत्न असून तो यशस्वी होऊ न देता हाणून पाडला जाईल अशी पोस्ट आमदार रोहित पवार यांनी आपल्या एक्स अकांउट वर केली आहे.
जामखेड नगरपरिषदकडून मुलगा व मुलगी जन्म दाखला घेण्यासाठी आवश्यक कागदपत्रे जोडून नोव्हेंबर 2025 मध्ये अर्जाद्वारे मागणी केली होती. तेव्हा दोन्ही दाखल्याचे तीन हजार रुपये द्या अशी मागणी केली होती. आज 6 मे रोजी जन्मदाखले देताना तीन हजार रुपयांची लाच घेताना जामखेड नगरपरिषदेचे दोन कर्मचारी रंगेहाथ पकडले यामुळे परिसरात एकच खळबळ उडाली आहे.
