जामखेड
जामखेड गोळीबारातील मुख्य आरोपीची पोलीसांनी जामखेड शहरात काढली धिंड
जामखेड तालुक्यातील बहुचर्चित न्यु कावेरी हॉटेल येथे झालेल्या गोळीबार प्रकरणातील फरार मुख्य आरोपी अक्षय उर्फ चिंग्या विश्वनाथ मोरे (वय २४, रा. पाटोदा गरड, ता. जामखेड) हा जामखेड पोलिसांच्या सापळा लावून पकडला होता त्याच्या नावावर अनेक गंभीर गुन्हे आहेत. त्याची दहशत कमी करण्यासाठी जामखेड पोलीसांनी आज जामखेड शहरातील मुख्य रस्त्यावर धिंड काढली.
अक्षय उर्फ चिंग्या मोरे हा रेकॉर्डवरील सराईत गुन्हेगार असून त्याच्याविरुद्ध यापूर्वीही जामखेड पोलीस ठाण्यात खून, खुनाचा प्रयत्न, मारहाण, दंगल, दरोडा, खंडणी तसेच आर्म्स अँक्ट अंतर्गत असे मिळून 10 पेक्षा जास्त गंभीर गुन्हे दाखल आहेत. आज जामखेड पोलीसांनी त्याची जामखेड शहरात धिंड काढली यामुळे गुन्हेगारांचे काय हाल होतात हेच यातून दाखवायचे आहे. त्याला न्यायालयाने चार दिवसांची पोलीस कोठडी दिली आहे.
जामखेड पोलीसांनी आज जामखेड शहरात सराईत गुंड अक्षय उर्फ चिंग्या विश्वनाथ मोरे याची धिंड काढली पोलीस निरीक्षक दशरथ चौधरी यांच्या मार्गदर्शनाखाली सपोनि वर्षा जाधव, पोलीस उपनिरीक्षक किशोर गावडे, पोलीस नाईक जितेंद्र सरोदे, आकाश शेवाळे, गणेश भागडे, गणेश काळाने, कुलदिप घोळवे यांनी हि धिंड काढली. पुढील तपास करीत पोलीस निरीक्षक दशरथ चौधरी यांच्या मार्गदर्शनाखाली जामखेड पोलीस करत आहेत.
दि ६ मार्च रोजी मिळालेल्या गुप्त माहितीनुसार स्थानिक गुन्हे शाखा, अहिल्यानगर आणि जामखेड पोलीस यांच्या पथकाने खर्डा परिसरात कारवाई करत मोठ्या शिताफीने ताब्यात घेतले होते.
सदरची कारवाई स्थानिक गुन्हे शाखेचे अधिकारी सपोनि हरिष भोये, पोलीस उपनिरीक्षक महादेव गुट्टे, समीर अभंग, पोलीस अंमलदार सुरेश माळी, फुरकान शेख, हृदय घोडके, अतुल लोटके, विष्णु भागवत, गणेश लोंढे, शाम जाधव, रिचर्ड गायकवाड, भाऊसाहेब काळे, अमोल कोतकर, योगेश कर्डिले, अमृत आढाव, प्रशांत राठोड, चालक अर्जुन बडे, भगवान धुळे तसेच जामखेड पोलीस स्टेशनचे पोउपनि किशोर गावडे, पुष्कर कडु, पोलीस अंमलदार प्रविण इंगळे, रविंद्र वाघ, देवीदास पळसे, कुलदीप घोळवे, दत्तात्रय बेल्हेकर, आकाश शेवाळे, प्रताप देवकाते, मनोज लातुरकर यांचे पथक तयार करुन त्यांना सदर आरोपीचा पुर्वइतिहास समजावुन सांगुन पथकास रवाना करण्यात आले होते. या पथकाने त्याला पकडले होते.
फिर्यादी रोहीत अनिल पवार (वय २९, रा. कान्होपात्रा नगर, जामखेड) हे न्यु कावेरी हॉटेलमध्ये असताना शुभम शहाराम लोखंडे, उल्हास विलास माने उर्फ वस्ताद, अक्षय उर्फ चिंग्या मोरे, अर्शद अमीन सय्यद व इतर ६ ते ७ साथीदारांनी गैरकायद्याचा जमाव करून पिस्तुलातून गोळीबार करून फिर्यादीस जिवे मारण्याचा प्रयत्न केला हल्ल्यात फिर्यादी गंभीर जखमी झाले असून हॉटेलमधील साहित्य आणि फॉर्च्यूनर गाडीची सत्तूर व लाकडी दांड्याने तोडफोड करण्यात आली होती.
