जामखेड न्युज——
बॉम्बच्या अफवेने पुणे-जामखेड गाडी कर्जतमध्ये रोखली आणि पुढे काय वाचा
जामखेड बसमध्ये बॉम्ब असल्याच्या एका कॉलने पोलीस प्रशासनासह प्रवाशांची चांगलीच धांदल उडवली. प्रवासी खाली उतरत बसची पाहणी केली असता शेवटी ही अफवाच निघाल्याने ती बस जामखेडच्या दिशेने रवाना करण्यात आली. जामखेड येथील युवक सुर्यकांत सदाफुले या युवकावर जामखेड पोलीस स्टेशनला गुन्हा दाखल करण्यात आला आहे.
जामखेड आगारास कॉल करणाऱ्या सुर्यकांत सदाफुले या युवकांस जामखेड पोलिसांनी ताब्यात घेतले असल्याची माहिती पोलीस निरीक्षक मारुती मुलूक यांनी दिली. पुणे स्वारगेट-कर्जत-जामखेड ही जामखेड आगाराची बस जामखेडच्या दिशेने कर्जतहून रवाना झाली.
पोलीस सूत्रांकडून मिळालेल्या माहितीनुसार,
बुधवार, दि ३ रोजी दुपारच्या सुमारास पुणे
स्वारगेट-कर्जत-जामखेड ही जामखेड आगाराची बस (एमएच ४०. एक्यू ६२२४) जामखेडच्या दिशेने कर्जतहुन रवाना झाली. अज्ञात युवकाने त्या बसमध्ये बॉम्ब असल्याचा कॉल जामखेड आगारास केला. त्यानुसार कर्तव्यावर असणाऱ्या आगार चालकाने ही माहिती बसचालक आणि वाहकास मोबाईलद्वारे दिली.
सुटकेचा निश्वास
अज्ञात युवकाने त्या बसमध्ये बॉम्ब असल्याचा कॉल जामखेड आगारास केला. त्यानुसार आगार चालकाने ही माहिती बसचालक आणि वाहकास मोबाईलद्वारे दिली.
प्रवाशांना तत्काळ खाली उतरवत त्यांना सुरक्षित स्थळी नेण्यात यावे, असे सांगितले. त्यानुसार चालक उत्तम क्षीरसागर आणि वाहक विनायक गोरे यांनी कर्जत उपनगराच्या बोथरा एजन्सीजवळ बस तत्काळ थांबवत प्रवासी खाली घेत असताना कर्जतचे पोलीस निरीक्षक मारुती मुलूक आपल्या फौजफाट्यासह त्या ठिकाणी आले.
त्यांनी संपूर्ण बसची पाहणी केली असता त्यामध्ये बॉम्ब अथवा बॉम्ब सदृश वस्तू आढळून न आल्याने त्याची पूर्ण खातरजमा करीत सुटकेचा निश्वास टाकला.
