जामखेड न्युज——
आमदार रोहित पवार यांच्या वाढदिवसानिमित्त आयोजित हस्ताक्षर स्पर्धेत श्री साकेश्वर विद्यालयाच्या सार्थक मुरूमकरचा किशोरवयीन गटात प्रथम क्रमांक
आमदार रोहित दादा पवार यांच्या वाढदिवसानिमित्त आयोजित विविध गुणदर्शन व कौशल्य स्पर्धा आयोजित करण्यात आल्या होत्या यात जामखेड तालुकास्तरीत हस्ताक्षर स्पर्धेत किशोरवयीन गटात इयत्ता ७ वी ते ९ वी गटात श्री साकेश्वर विद्यालयाचा विद्यार्थी चि. सार्थक रमेश मुरूमकर याचा प्रथम क्रमांक आला याबद्दल विविध क्षेत्रातून अभिनंदन होत आहे. आज आमदार रोहित पवार यांच्या हस्ते प्रमाणपत्र व ट्राफी देऊन सन्मान करण्यात आला.
यावेळी विद्यालयाचे मुख्याध्यापक व सर्व शिक्षक, ग्रामस्थ तसेच पालक नातेवाईक यांनी अभिनंदन केले आहे.
कर्जत जामखेड चे लोकप्रिय आमदार श्री रोहित दादा पवार यांच्या वाढदिवसानिमित्त कर्जत जामखेड एकात्मिक विकास संस्था व आमदार रोहित दादा पवार मित्र मंडळ व मतदार कर्जत जामखेड यांच्यावतीने भव्य तालुकास्तरीय शालेय विद्यार्थ्यांसाठी विविध गुणदर्शन व कौशल्य स्पर्धेचे आयोजन करण्यात आले यामध्ये निबंध स्पर्धा, वकृत्व स्पर्धा, हस्ताक्षर स्पर्धा ,चित्रकला या स्पर्धेमध्ये बालगट, किशोर गट, कुमार गट या गटातील विद्यार्थ्यांनी उत्स्फूर्त सहभाग घेतला होता याचे बक्षीस वितरण आज करण्यात आले.
श्री नागेश विद्यालयामध्ये निबंध स्पर्धा, चित्रकला स्पर्धा, हस्ताक्षर स्पर्धा तर ल. ना. होशिंग विद्यालयात वकृत्व स्पर्धा २४ सप्टेंबर रोजी घेण्यात आल्या होत्या या स्पर्धेमध्ये चौथी ते बारावी पर्यंतच्या 1000 पेक्षा जास्त विद्यार्थ्यांनी सहभाग घेतला होता.
यावेळी निबंध – चित्रकला- हस्ताक्षर स्पर्धेचे पर्यवेक्षण गाडे पी एस, अशोक बोराटे ,शिंदे बी एस, विलास पवार, अशोक चौधरी, भूषण गडगुले, ज्योती पालकर , कला शिक्षक मुकुंद राऊत, बाळू डाडर, समन्वयक परमेश्वर राठोड ,अश्विनी समुद्रे, स्नेहा वारभव सर्वेश्वर चौके, निखिल जगताप, सचिन वानरे, सोमनाथ मैड, सिद्धाराम कवडगाव, यांनी काम पाहिले. ल. ना. होशिंग विद्यालयामध्ये वकृत्व स्पर्धेचे उद्घाटन उपमुख्याध्यापक पारखे सर यांच्या हस्ते झाले व परीक्षक ज्योती गोपाळघरे, मोहन यादव, शशिकांत सदाफुले, विनोद उगले, सचिन मोकाशी यांनी काम पाहिले.
परीक्षा समन्वयक कलाशिक्षक मयूर भोसले व शिव सोळंके शिक्षण समन्वयक यांनी नियोजन केले.
विविध स्पर्धेमध्ये भाग घेतल्यामुळे विद्यार्थी आनंदित व उत्साही होते अतिशय खेळीमेळीच्या वातावरणामध्ये नियोजनबद्ध पद्धतीमध्ये स्पर्धा संपन्न झाल्या शेवटी विद्यार्थ्यांनी आमदार रोहित दादा पवार यांना वाढदिवसाच्या शुभेच्छा दिल्या.
या सर्व स्पर्धेमध्ये 1000 पेक्षा जास्त विद्यार्थ्यांनी सहभाग घेतला होता.
