जामखेड न्युज——
जामखेड बाजार समितीचे सभापती व उपसभापती ठरणार चिठ्ठीने
तब्बल अडीच वर्षांच्या प्रशासकीय कारकिर्दीनंतर जामखेड बाजार समितीची निवडणूक झाली यात
कर्जत पाठोपाठ जामखेड मधील मतदारांनी दोन्ही आमदारांच्या गटाला समसमान कौल देत संपूर्ण महाराष्ट्रात एक चमत्कार केला आहे. जामखेड कृषी उत्पन्न बाजार समितीतीत आमदार रोहित पवार व आमदार प्रा. राम शिंदे यांच्या गटाला समसमान जागा म्हणजे 9 – 9 मिळाल्या आहेत. सोळा मे रोजी सभापती निवड तारीख निश्चित करण्यात आली आहे. मतमोजणी दिवशीच दोन्ही गटाचे सदस्य सहलीसाठी रवाना झालेले आहेत.
कोणत्याही गटाकडे स्पष्ट बहुमत नाही. धोका नको व कोणी फुटू नये म्हणून दोन्ही गटानी आपापले सदस्य सहलीसाठी घेऊन गेलेले आहेत. सध्या तरी चिठ्ठी द्वारेच सभापती व उपसभापती निवडी होतील अशी परिस्थिती आहे.
आमदार रोहित पवार व जिल्हा बँकेचे संचालक अमोल राळेभात यांच्या गटाकडून सभापती पदासाठी सुधीर राळेभात हे नाव निश्चित समजले जाते.
तर उपसभापती पदासाठी कैलास वराट सर नावाची चर्चा आहे. कैलास वराट हे खासदार डॉ. सुजय विखे पाटील यांचे स्वीय साहायक प्रा. अरूण वराट यांचे बंधू आहेत. दोन्ही बंधू सहकार महर्षी जगन्नाथ राळेभात यांचे खंदे समर्थक तसेच जिल्हा बँकेचे संचालक अमोल राळेभात व माजी सभापती सुधीर राळेभात यांच्या बरोबर एकनिष्ठ आहेत एक तरुण व सुशिक्षित व्हिजन घेऊन काम करणारा चेहरा म्हणून कैलास वराट यांच्या नावाला पसंती मिळेल अशीच चर्चा आहे.
कैलास वराट हे ल. ना. होशिंग माध्यमिक विद्यालयात शिक्षक म्हणून कार्यरत आहेत तसेच संत ज्ञानेश्वर बहुउद्देशीय शिक्षण संस्थेच्या माध्यमातून पंचक्रोशीत पवित्र ज्ञानदानाचे कार्य सुरू आहे. यांची साकत सेवा संस्थेच्या चेअरमन पदी बिनविरोध निवड झालेली आहे. संस्थेच्या माध्यमातून त्यांनी आजपर्यंत मोठ्या प्रमाणात कर्जवाटप तसेच गोरगरीब शेतकऱ्यांना मदतीच्या स्वरूपात वेगळा ठसा निर्माण केला आहे. त्यामुळे कैलास वराट यांचे नाव उपसभापती पदासाठी पुढे येऊ शकते.
आमदार प्रा. राम शिंदे गटातर्फे सभापती पदासाठी भाजपा युवा मोर्चाचे तालुकाध्यक्ष शरद कार्ले किंवा माजी सभापती गौतम उतेकर यांच्या नावाची चर्चा आहे. तर उपसभापती पदासाठी युवा नेतृत्व सचिन घुमरे यांचेही नाव चर्चेत आहे
येत्या सोळा मे रोजी सभापती व उपसभापती निवड करण्यात येणार आहे. एट तर हात उंचावून किंवा गुप्त मतदान पध्दतीने निवड होईल अशी शक्यता आहे.
आमदार रोहित पवार व जिल्हा सहकारी बँकेचे संचालक अमोल राळेभात यांच्या सहकार व शेतकरी विकास पँनलला 9 जागा मिळाल्या आहेत.
1) सुधीर राळेभात
2) कैलास वराट
3) अंकुश ढवळे
4) सतिश शिंदे
5) रतन चव्हाण
6) अनिता शिंदे
7) नारायण जायभाय
8) राहुल बेदमूथा
9) सुरेश पवार
तर आमदार प्रा. राम शिंदे व प्रा. सचिन गायवळ यांच्या नेतृत्वाखालील स्वाभिमानी शेतकरी विकास पँनलने 9 जागा मिळाल्या आहेत.
1) गौतम उतेकर
2) सचिन घुमरे
3) विश्वनु भोंडवे
4) गणेश जगताप
5)शरद कार्ले
6) वैजीनाथ पाटील
7) नंदकुमार गोरे
8)सिताराम ससाणे
9)रविंद्र हुलगुंडे
9 – 9 जागा मिळाल्या मुळे मोठा पेच निर्माण झाला आहे. मतमोजणी दिवशीच दोन्ही पँनल प्रमुख आपापले विजयी उमेदवार सहलीसाठी घेऊन गेले आहेत. आता 16 मे तारीख फायनल झाली आहे तेव्हा सहलीसाठी गेलेले सभासद 16 तारखेला जामखेड मध्ये दाखल होतील.
यातील एका जरी सदस्यांने जरी गुप्त मतदानाची मागणी केली तरी गुप्त मतदान होणार अन्यथा हात उंचावून घेऊ शकतात.
गुप्त मतदानात जर समसमान मते मिळाली तर पुन्हा ईश्वर चिठ्ठीद्वारे सभापती निवड होणार. यामुळे जामखेड वाशियांना कोण होणार सभापती याची मोठी उत्सुकता लागली आहे. दोन्ही गटांनी आपापले संचालक आपल्या ताब्यात ठेवलेले आहेत.
आमदार रोहित पवार व जिल्हा बँकेचे संचालक अमोल राळेभात यांच्या गटाकडून सभापती पदासाठी सुधीर राळेभात हे नाव निश्चित समजले जाते. तर उपसभापती पदासाठी कैलास वराट हे नाव अग्रभागी आहे.
आमदार प्रा. राम शिंदे गटातर्फे सभापती पदासाठी भाजपा युवा मोर्चाचे तालुकाध्यक्ष शरद कार्ले किंवा माजी सभापती गौतम उतेकर यांच्या नावाची चर्चा आहे. तर उपसभापती पदासाठी युवा नेतृत्व सचिन घुमरे यांचेही नाव चर्चेत आहे.
असे असले तरी येत्या सोळा तारखेला कळेचल कोण सभापती व कोण उपसभापती, चिठ्ठी कोणाला साथ देणार हे कळेलच.
