जामखेड न्युज – – – –
बीड येथील नगरपालिकेतील अनागोंदी कारभार हा अधिकारी, कर्मचाऱ्यांना चांगलाच भोवला आहे. कर्तव्यात कसूर करणे, नगरपालिकेतील अनियमिततेचा ठपका ठेवून ६ अधिकारी व कर्मचाऱ्यांना निलंबित करण्यात आले आहे.
ADVERTISEMENT 
मुख्याधिकारी, पाणी पुरवठा अभियंता, बांधकाम अभियंता,
कर अधीक्षक , कनिष्ठ रचना सहायक अशी निलंबित करण्यात आलेल्या अधिकारी, कर्मचारी आहेत.
विधीमंडळात आमदार विनायक मेटे यांनी केलेल्या लक्षवेधी सूचनेवर चर्चा झाली. या चर्चेत शशिकांत
शिंदे, सतीश चव्हाण व इतर सदस्यांनी सहभाग घेतला.
नगरपालिका अंतर्गत नागरिकांना सुविधा मिळत नाहीत.
अधिकारी व कर्मचारी हे कर्तव्यात कसूर करतात, तसेच
लोकप्रतिनिधींनी बोलावलेल्या बैठकांना गैरहजर राहतात, असा आरोप आ.विनायक मेटे यांनी केला. यावर राज्याचे नगरविकास राज्यमंत्री प्राजक्त तनपुरे यांनी सहा अधिकारी व कर्मचाऱ्यांच्या निलंबनाची घोषणा केली. दरम्यान, नगरपालिका अंतर्गत गैरकारभाराच्या चौकशीसाठी समिती पुनर्गठित करण्यात येईल अशी घोषणा देखील तनपुरे यांनी केली आहे.
