जामखेड न्युज – – –
वर्धेच्या कदम रुग्णालयातील अवैध गर्भपात प्रकरणाने संपूर्ण राज्यात खळबळ माजली आहे. या रुग्णालय परिसरात काल पुन्हा पोलिसांनी फॉरेन्सिक टीमच्या साहाय्याने शोधकार्य केले. या शोधकार्यात पुन्हा एक कवटीसारखा अवयव आढळला असल्याची माहिती आहे. आतापर्यंत या परिसरातून १२ कवट्या आणि ५४ हाडं आढळली आहे.
बुधवारी पोलिसांनी रुग्णालयाच्या मागील बाजूस असलेल्या गॅस चेंबरची तपासणी केली होती. त्यात पोलिसांना ११ कवट्या ५४ हाडं, वापरलेले ग्लोज, सीरींज, प्लास्टिक पिशव्या इत्यादी तसेच पिशवीमध्ये अभ्रकांचे अवयव आढळून आले होते. यानंतर जिल्हा पोलीस अधीक्षक, अप्पर पोलीस अधीक्षक यांनी घटनास्थळी भेट देत प्रकरणाचा सखोल अभ्यास करत तपासासाठी वेगळे पथक स्थापन केले.
यानंतर का पुन्हा पोलिसांच्या चमुने वर्धा आणि नागपूरच्या फॉरेन्सिक चामुंच्या मदतीने पुन्हा परिसरातील तपासणी केली. दरम्यान, रुग्णालयाच्या मागील बाजूस असलेल्या गॅस चेंबरमधून पुन्हा एक कवटी आढळली तर तेथील गटारामधून काही बायोमेडिकल वेस्ट सुद्धा जप्त केले आहे. रुग्णालयच्या बाथरूमध्ये फॉरेन्सिकच्या चमुला रक्ताचे डागही दिसले आहेत. त्या रक्ताचे नमुने सुद्धा तपासणीसाठी पाठवण्यात आले आहेत. या प्रकरणात आतापर्यंत पाच आरोपींना अटक करण्यात आली असून तपासात आणखी काय पुढे येतं हे पाहणं महत्वाचं आहे.
