वसीम बिल्डर मित्र मंडळ व मोगलपुरा यंग ग्रुपच्या वतीने नगरसेवकांचा सन्मान
सर्वाच्या सहकार्याने मुकुंदनगरचा विकास करून चेहरामोहरा बदलू तसेच शहरात कायमस्वरूपी हिंदू मुस्लिम ऐक्य आबादित ठेवणार याच बरोबर सामाजिक कामाला प्राधान्य देणार असल्याचे मत अहिल्यानगर महापालिकेचे नवनिर्वाचित नगरसेवक हाजी शहेबाज यांनी व्यक्त केलेअसून सर्व समाजघटकांना बरोबर घेऊन काम करण्याचा निर्धार व्यक्त केला .
जामखेड येथे नवनवीन मित्र परिवार भेटले या मैत्रीतूनच विचाराची देवाण घेवाण होते . आज वसीम बिल्डर मित्र मंडळ व मोगलपुरा यंग ग्रुपने आमचा जो सन्मान केला त्यांचा मी आभारी आहे.
वसीम बिल्डर मित्र मंडळ व मोगलपुरा यंग ग्रुपच्या वतीने जामखेड येथे आहिल्यानगर महापालिकेचे नवनिर्वाचित नगरसेवक हाजी शहेबाज , खालीद शेख, माजी नगरसेवक समद खान, मुजीब शेख, मोहसीन शेख , शाकीर शेख, यांचा सत्कार सोहळा आयोजित करण्यात आला होता. हा सत्कार समारंभ वसीम बिल्डर मित्र मंडळ व मोगलपुरा यंग ग्रुपच्यावतीने मोठ्या उत्साहात संपन्न झाला.
याप्रसंगी माजी नगरसेवक समद खान यांनी मनोगत व्यक्त करताना सांगितले की, एकजुटीने काम केले तर नक्कीचं ते मोठे विकास काम होऊ शकते . सर्वांनी एकजुटीने राहून कोणाच्याही भावना दुखावल्या जाणार नाहीत, या विचाराने नवनिर्वाचित नगरसेवक काम करतील अशा विश्वास व्यक्त केला . लवकरच जामखेड शहरात एम आय एम पक्षाची स्थापना करणार असल्याचे त्यांनी व्यक्त केले.
तसेच जामखेड शहराच्या सामाजिक ऐक्यासाठी व जातीय सलोखा राखण्यासाठी वसीम बिल्डर मित्र मंडळ व मोगलपुरा यंग ग्रुपच्या सर्व कार्यकर्त्यांनी नेहमीच पुढाकार घेऊन सहकार्य करण्याचे आवाहन माजी नगरसेवक समद खान यांनी व्यक्त केले .
