जामखेड येथील भटक्या विमुक्त व मुस्लिम समाजाचा मनोज जरांगे पाटील यांच्या आंदोलनास पाठिंबा
मराठा समाजाला आरक्षण मिळावं यासाठी मनोज जरांगे पाटील हे आक्रमक झाले आहेत. आरक्षण मिळावं यासाठी ते दि २७ ऑगस्ट रोजी मुंबईच्या दिशेने कुच करणार आहेत. त्यासाठी तयारीही जोरदार सुरू आहे. जामखेड तालुक्यात देखील गावागावात मराठा समाजाच्या लोकांच्या बैठका सुरू आहेत. याच आनुशंगाने मराठा आरक्षण व मंबई येथील मनोज जरांगे पाटील यांच्या आंदोलनाला जामखेड येथील भटक्या विमुक्तांचा व मुस्लिम समाजाच्या वतीने जामखेड शहरात बॅनर लावुन या आंदोलनास पाठिंबा दिला आहे.
ओबीसीत मराठा समाजाचा समावेश व्हावा यासाठी जरांगे यांनी चलो मुंबईचा नारा दिला आहे. त्यासाठी गावागावात बैठका घेण्यात आल्या आहेत. गावागावात आर्थिक मदत गोळा केली जात आहे. शिवाय आंदोलकांनी प्रत्येक गावातून किमान तीन चार वाहने काढण्याची तयारी केली आहे. येत्या 27 तारखेला मराठा तरूण गावागावातून बाहेर पडणार आहेत. त्यानंतर आपल्या आरक्षणाच्या मागणीसाठी ते मुंबईच्या दिशेने जातील. अशी रणनिती आखण्यात आली आहे.
याच आनुशंगाने मराठा आरक्षण व मंबई येथील मनोज जरांगे पाटिल यांच्या आंदोलनाला जामखेड येथील भटक्या विमुक्तांचा व मुस्लिम समाजाच्या वतीने जामखेड शहरात बॅनर लावुन या आंदोलनास पाठिंबा दिला आहे. जामखेड शहरात देखील मराठा बांधवांनी मोठ्या प्रमाणात चलो मुंबईचे बॅनर लावुन सर्वांना मंबई येथिल आंदोलनात सहभागी होण्याचे आवाहन करण्यात आले आहे.
आतापर्यंत जरांगे पाटिल यांच्या मंबई येथील आंदोलनास जाण्यासाठी अखंड मराठा समाज जामखेड च्या वतीने दोन बैठका घेतल्या आहेत. तर सध्या मराठा सेवक प्रत्येक गावात बैठका घेऊन या आंदोलनात सहभागी होण्याचे आवाहन करीत आहेत.
जामखेड शहर झळकले मोठ्या प्रमाणात बॅनर
चलो मुंबई आंदोलनाची लाट आता ही महाराष्ट्रातील प्रत्येक गावातील कोपऱ्यात पोहोचली आहे. जामखेड शहरातील चौका चौकात देखील चलो मुंबई, एक मराठा लाख मराठा, एकच मिशन मराठा आरक्षण, गरजवंत मराठ्यांचा लढा, २९ ऑगस्ट रोजी भगवं वादळ मंबईत धडकणार अशा नावाने बॅनर झळकले आहेत. हे फक्त बॅनर नसुन मराठा समाजाच्या हक्काची आणि सन्मानाची गर्जना आहे! असे देखील यावेळी मराठा बांधवांन कडुन सांगण्यात येत आहे.
