जामखेड न्युज—–
अन्यथा शंभूराजे कन्स्ट्रक्शन ला काळ्या यादीत टाकणार – गटविकास अधिकारी
जामखेड परिसरातील कन्स्ट्रक्शन व्यवयिकांमध्ये एकच खळबळ
स्वातंत्र्याच्या अमृत महोत्सवी वर्षानंतरही अनेक वंचित समाजाला घरे नाहीत ही मोठी शोकांतिका आहे. अशाच खर्डा येथील मदारी समाजाच्या वसाहतीसाठी अँड डॉ. अरूण जाधव यांनी अनेक वर्षे प्रयत्न करून वसाहत मंजूर करून आणली होती. पण ठेकेदाराच्या चुकीमुळे वसाहतीचे काम अर्धवट आहे अद्याप हक्काचा निवारा नाही. याबाबत वंचित बहुजन आघाडीच्या वतीने अँड डॉ. अरूण जाधव यांच्या नेतृत्वाखाली आंदोलन करण्यात आले होते. यानुसार शंभूराजे कन्स्ट्रक्शनने कामास का बिलंब झाला याचा खुलासा दोन दिवसात करावा अन्यथा काळ्या यादीत टाकण्यात येईल अशी नोटीस ठेकेदाराला दिली आहे. यामुळे परिसरातील ठेकेदार व्यावसायिकांमध्ये एकच खळबळ उडाली आहे.
यशवंतराव चव्हाण मुक्त वसाहत योजनेअंतर्गत खर्डा ता- जामखेड जि- अहिल्यानगर येथील मदारी वसाहतीच्या कामासाठी सार्वजनिक रस्ते पथदिवे गटार या सोयी सुविधांसाठी शासन दरबारी वंचित बहुजन आघाडीचे राज्य प्रवक्ते ॲड. डॉ. अरुण जाधव यांनी मदारी समाजाला जागा, घरे, मिळावी यासाठी गेली 15 वर्षापासून शासन दरबारी मोर्चे, आंदोलन, उपोषणे, बैठका घेऊन हा मदारी समाजाला न्याय देण्यासाठी खुप कष्ट घेतले होते.
मदारी समाज कशाप्रकारे वास्तव्य करत आहे, सध्या ते खर्डा येथील भाजीपाला बाजारात पाल ठोकून राहत आहे, ज्या दिवशी आठवडे बाजार असेल त्या दिवशी हे पाल काढून घ्यायचे आणि बाजार संपल्यानंतर परत त्या जागेवरती पाल टाकायचे.
त्यांना राहण्यासाठी घर नाही,जागा नाही, विज नाही स्वच्छता, स्वच्छ पाणी नाही ही सर्व ह्या लोकांचे खरे वास्तव्य शासन दरबारी मांडून त्याचा पाठपुरावा करून 2024 मध्ये शासनाने या लोकांना घरे व यशवंतराव चव्हाण मुक्त वसाहतीला मान्यता देऊन या कामासाठी 6,41, 023 रुपये मंजूर केले. त्यानुसार या कामाची निविदा 1/3/ 2024 रोजी प्रसिद्ध करण्यात आलेली सदर ही निविदा शंभुराजे कन्ट्रक्शन या संस्थेने 31 टक्के कमी दराने भरली गेली.
परंतु या संस्थेने शासनाच्या कोणत्याही नियमाचे पालन केले नाही स्वतः मनमानी पद्धतीने वागत गेली, निविदा कमी दराने भरल्यामुळे त्यासाठी शासनाकडे अंदाजे काही लाख रुपये भरणा करावा लागत होता तो देखील केला नाही, त्यामुळे या वसाहतीचे काम वेळेत पूर्ण झाले नाही.
मागील 15 दिवसांपूर्वी वंचित बहुजन आघाडीचे राज्य प्रवक्ते ॲड.डॉ. अरुण जाधव यांच्या नेतृत्वाखाली शंभूराजे कंट्रक्शन मदारी वसाहतीचे काम घेऊन ते काम वेळेत पूर्ण केले नाही म्हणून या संस्थेला काळ्या यादीत टाकण्यात यावे याकरीता पंचायत समिती जामखेड या ठिकाणी आंदोलन करण्यात आले होते.
