जामखेड न्युज——
अजित पवारांचा दणका!!!बीड जिल्ह्यातील ५२ बोगस दिव्यांग शिक्षक निलंबित
जिल्हा परिषद प्राथमिक शिक्षकांनी जिल्हांतर्गत बदलीसाठी आपले अर्ज दाखल केले होते, मात्र संशय बळावल्याने सवंर्ग एकमधून अर्ज केलेल्या 336 शिक्षकांची झेडपीत वैद्यकिय अधिकार्‍यांमार्फत तपासणी करण्यात आली होती, त्यानंतर या शिक्षकांना पुनर्रतपासणीसाठी अंबाजोगाई येथील ‘स्वाराती’त पाठविण्यात आले होते, 336 पैकी 248 शिक्षकांची तपासणी पुर्ण झाली असून त्याचा अहवाल नुकताच सीईओ अजित पवार यांना प्राप्त झाला. यापैकी 52 शिक्षक बोगस निघाले. बोगसगिरी करून स्वत:ची पोळी भाजणार्‍या या शिक्षकांवर आज सीईओ अजित पवार यांनी निलंबनाची कारवाई केली आहे, तसेच त्यांची विभागीय चौकशीही लावण्यात आली आहे, ही चौकशी पूर्ण होताच त्यांच्यावर दंडात्मक, वसूली अन् बडतर्फीची कारवाई केली जाणार आहे. दरम्यान पवार यांनी केलेल्या या कारवाईमुळे बोगस शिक्षकांचे धाबे दणाणले आहेत.
जिल्हा परिषदेतील प्राथमिक शिक्षकांच्या ऑनलाईन प्रणालीव्दारे होणार्‍या जिल्हांतर्गत बदल्यांसाठी पहिल्या टप्प्यात बदलीपात्र शिक्षकांची यादी जाहीर करण्यात आली होती. यात 1572 शिक्षक पात्र होते. यातील 794 शिक्षकांनी आपण संवर्ग एकमध्ये बसल्याबाबतचे अर्ज केले. संवर्ग एकमध्ये गंभीर आजारी, दिव्यांग अशा बाबींचा समावेश आहे. आपली बदली होवू नये किंवा हवी ती शाळा मिळावी, यासाठी शिक्षकांकडून बोगस कागदपत्रे जोडल्याचा संशय आणि तक्रारी आल्याने सीईओ अजित पवार यांनी संबंधित शिक्षकांची सुनावणी घेतली. यात 336 दिव्यांग शिक्षकांना उपस्थित राहण्याबाबत नोटीसा देवून त्यांची झेडपीत 14 डिसेंबर रोजी तपासणी करण्यात आली. दिव्यांग प्रमाणपत्राबाबत व दिव्यांगत्वाच्या टक्केवारीबाबत सदर तपासणीमध्ये पथकातील वैद्यकीय अधिकार्‍यांनी पुर्नतपासणी आवश्यक असल्याचे मत नोंदविले. अशा 336 शिक्षकांना पुर्नतपासणीसाठी अंबाजोगाई येथील स्वामी रामनंद तिर्थ वैद्यकीय महाविद्यालय व रुग्णालयाचे अधिष्ठातांकडे (अपंग मंडळापुढे) सीईओंनी पाठविले.
यातील शिक्षक, त्यांचे पाल्य, नातेवाईक ज्यांनी अपंग मंडळ, अंबाजोगाई येथे दिव्यांग प्रमाणपत्रानुसार वैद्यकीय तपासणी करुन घेतली, ऑनलाईन बदली प्रक्रियेच्या अर्जासोबत दिलेल्या दिव्यांग प्रमाणपत्रातील टक्केवारीमध्ये व स्वारातीने दिलेल्या दिव्यांग प्रमाणपत्र पुर्नतपासणी अहवालातील दिव्यांग टक्केवारीमध्ये मोठ्या प्रमाणात तफावत आढळुन आली. या तफावतीवरूनच 248 पैकी 52 शिक्षक बोगस असल्याचे स्पष्ट झाले. त्यानुसार आज सीईओ अजित पवारांनी या ५२ शिक्षकांना तडकाफडकी निलंबित केले आहे, तसेच त्यांची विभागीय चौकशीही लावली आहे, या चौकशी नंतर त्यांच्यावर बडतर्फिची कारवाई केली जाणार आहे.
कारवाई झालेल्या बोगस शिक्षकांमध्ये धनंजय गोविंदराव फड (अंबाजोगाई, अल्पदृष्टी), रविकांत सुधाकर खेपकर (अंबाजोगाई, अस्तिव्यंग), अशोक वामनराव यादव (अंबाजोगाई, अस्तिव्यंग), चिंतामन तुकाराम मुंडे (अंबाजोगाई, अस्तिव्यंग), राजू शंकर काळे (आष्टी, कर्णबधीर), वर्षा रामकिसन पोकळे (आष्टी, कर्णबधीर), राजेंद्र शिवाजी हजारे (आष्टी, कर्णबधीर), अमोल कुंडलिक शिंदे (आष्टी, अल्पदृष्टी), आनंद सिताराम थोरवे (आष्टी,अस्तिव्यंग), मनिषा उत्तमराव धोंडे (आष्टी, अस्तिव्यंग), देविदास भानूदास नागरगोजे (केज अल्पदृष्टी), आसाराम पांडूरंग धेंडूळे (गेवराई, अल्पदृष्टी), रमेश ज्ञानोबा गधे (गेवराई, अल्पदृष्टी), हनुमान यशवंत सरवदे (गेवराई, अल्पदृष्टी), सुधाकर दगडू राऊत (गेवराई, अस्तिव्यंग), अरूण भिमराव चौधरी ( गेवराई, अस्तिव्यंग), महादेव सखाराम जाधव (गेवराई,अस्तिव्यंग), मनोजकुमार अशोक जोशी (गेवराई, अस्तिव्यंग), मनोजकुमार मधुकर सावंत (गेवराई, अस्तिव्यंग), अनिता गोविंदराव यादव (गेवराई, अस्तिव्यंग), अर्चना भगवान इंगळे (धारूर,अस्तिव्यंग), शांताराम भानूदास केंद्रे (परळी,अल्पदृष्टी), मनोज नरसिंगराव सुर्यवंशी (परळी अल्पदृष्टी), दिपक भालचंद्र शेप (परळी, अल्पदृष्टी), जानदेव नवनाथ मुटकुळे (पाटोदा, अल्पदृष्टी), गणेश भागवत ढाकणे (पाटोदा अल्पदृष्टी), पांडूरंग आबासाहेब गवते (बीड, कर्णबधीर), शितल शहादेव नागरगोजे (बीड,कर्णबधीर), स्वाती चंद्रसेन शिंदे (बीड,कर्णबधीर), भारती मुरलीधर गुजर (बीड कर्णबधीर), अंबिका बळीराम बागडे (बीड , कर्णबधीर), विमल नामदेव ढगे (बीड, कर्णबधीर), जिवन रावसाहेब बागलाने (बीड, कर्णबधीर), शोभा अंबादास काकडे (बीड, कर्णबधीर), वनमाला देविदास इप्पर (बीड, कर्णबधीर), आश्रूबा विश्‍वनाथ भोसले (बीड, अल्पदृष्टी), राजश्री रघुवीर गावंडे (बीड, अल्पदृष्टी), वाजेदा तबसुसुम मोहम्मद शफीउद्दीन (बीड, अल्पदृष्टी), शैला नागनाथ शिंदे (बीड, अल्पदृष्टी), रतन अंबादास बहिर (बीड,अल्पदृष्टी), दतू लक्ष्मण वारे (बीड, अस्थिव्यंग), बंडू किसनराव काळे (बीड,अस्तिव्यंग), चाँद पाशा महेबूब शेख (बीड, अस्तिव्यंग), उज्वला अशोक जटाळ (बीड, अस्तिव्यंग), आयशा सिद्दीका इनामदार (बीड, अस्तिव्यंग), ज्योती लहूराव मुळूक (बीड, अस्तिव्यंग), अंजली प्रभाकर भोसले (बीड, अस्तिव्यंग), गोविंद अंकुश वायकर (बीड, अस्तिव्यंग), शेख समिना बेगम शेख हमीद (बीड, अस्तिव्यंग), सुनिता भारत स्वामी (वडवणी, अल्पदृष्टी), निवृत्ती रामकिसन बेद्रे (शिरूर, अल्पदृष्टी), आणि बाळू उमाजी सुरासे (शिरूर, अल्पदृष्टी) यांचा समावेश आहे. दरम्यान सीईओ अजित पवार यांनी केलेल्या या कारवाईमुळे जिल्हतील बोगस शिक्षकांचे धाबे दणाणले आहेत.
बोगस शिक्षकांनी घेतलेल्या लाभाचीही चौकशी लागली
जिल्ह्यात विविध विभागांत अनेक धडधाकट कर्मचार्‍यांकडून दिव्यांग प्रमाणपत्राच्या आधारे बदल्या, मोक्याच्या व सोयीच्या जागा, बस प्रवासात सूट, भत्ते व इतर लाभ घेतल्याचे प्रकार सुरु आहेत. बोगस शिक्षकांनीही अशाच प्रकारे लाभ घेतले आहेत. याअनुषंगाने कोणी कोणत्या शासकिय लाभाचा कसा फायदा घेतला यासंदर्भात चौकशीही सीईओंनी लावली आहे. या चौकशीतून जे जे बाहेर येईल त्यानुसार कारवाई होणार आहे.
