जामखेड न्युज——
जामखेड तालुक्यात पंधरा हजार जनावरांचे लसीकरण पुर्ण
तालुक्यात आढळले चार लंम्पी स्किनग्रस्त जनावरे
26 गावांत रेड अलर्ट
जामखेड तालुक्यात एकूण चार जनावरे लंम्पी स्किनग्रस्त आढळले आहेत. यामुळे प्रशासन खडबडून जागे झाले आहे आतापर्यंत एकूण पंधरा हजार जनावरांचे लसीकरण करण्यात आले आहे. तालुक्यातील 26 गावांना लम्पी स्कीन मुळे सुरक्षितता म्हणून रेड अलर्ट जारी करण्यात आला आहे.
तालुक्यातील मोहरी,जवळा, लोणी व गुरेवाडी येथे चार जनावरे लंम्पीचे पाॅझीटिव्ह आढळले आहेत तर 26 गावांना रेड अलर्ट जारी करण्यात आले आहे. आतापर्यंत पंधरा हजार जनावरांचे लसीकरण करण्यात आले आहे. तर प्रसार रोखण्यासाठी जनावरांचा आठवडे बाजार बंद करण्यात आला आहे.
सध्या तालुक्यात दोन लाखांपेक्षा जास्त पशुधन आहे यात गायवर्गीय प्राणी 58891आहेत तर म्हैसवर्गीय 16559 प्राणी आहेत. तर बाकी शेळ्या, मेंढ्या, घोडे, गाढवे, डुकरे, कोंबड्या आहेत यातील पंधरा हजार जनावरांचे लसीकरण करण्यात आले आहे.
जामखेड तालुक्यात आत्तापर्यंत आठ गावांमधून लंपी स्कीन आजाराचे नमुने गोळा करून पुण्याच्या प्रयोगशाळेत पाठवण्यात आलेले होते. यामध्ये मोहरी, गवळवाडी, लोणी, जवळा, गुरेवाडी, पिंपळवाडी, बांधखडक, जमादारवाडी या गावांचा समावेश होता. यापैकी मोहरी,जवळा, लोणी व गुरेवाडी येथील चार जनावरे पाॅझीटिव्ह आढळले आहेत.
तालुक्यात आत्तापर्यंत सात एपीसेंटर तयार करण्यात आली असून त्यामध्ये एकूण 26 गावांमध्ये रेड अलर्ट घोषित करण्यात आलेला आहे. या सर्व गावातील जनावरांची काळजी घेण्याबाबत पशुपालकांना सावधानतेचा इशारा देण्यात आलेला आहे. ग्रामपंचायतच्या मदतीने संबंधित गावांमध्ये कीटकनाशकांची फवारणी करण्यात आलेले आहे. जामखेड मध्ये लंपी स्कीन डिसीज वेगाने पसरत असून जनावरांचे बाजारही बंद करण्यात आलेले आहेत. याबाबत सर्व स्तरावरून आवश्यक ते प्रयत्न करण्यात येत असून आत्तापर्यंत 15000 जनावरांचे लसीकरण पूर्ण झालेले आहे. सदर आजाराचे कोणतेही लक्षणे दिसताच पशुपालकांनी जवळच्या पशुवैद्यकीय दवाखान्यात किंवा ग्रामपंचायतला संपर्क करावा असे आवाहन गटविकास अधिकारी प्रकाश पोळ यांनी केले आहे.
एपिसेन्टर नुसार रेड अलर्ट गावे-
१. मोहरी- मोहरी, जायभायवाडी, गवळवाडी, गीतेवाडी
२. लोणी- लोणी, बालगव्हान, आनंदवाडी, वाकी, दरडवाडी
३. जवळा- जवळा व ग्रामपंचायत अंतर्गत सर्व वस्त्या
४. गुरेवाडी- गुरेवाडी, खूरदैठण, घोडेगाव, धोंडपारगाव
५. पिंपळवाडी- पिंपळवाडी, कोल्हेवाडी, साकत
६. बांधखडक- बांधखडक, नायगाव, नाहुली
७. जामदारवाडी- जामदारवाडी, चुंबळी, काटेवाडी, बटेवाडी, सारोळा, जामखेड शहर पूर्ण.
-प्रकाश पोळ, गटविकास अधिकारी, जामखेड.
