जामखेड प्रतिनिधी
शहराजवळील बोराटे वस्ती येथील एका विहिरीत पडलेल्या अतिविषारी घोणस जातीच्या नर मादी सापानां वनविभागाच्या कर्मचाऱ्यांनी व त्यांच्या सहकाऱ्यांनी दोन तासाच्या प्रयत्नानंतर घोणस सापाला पाण्यातून बाहेर काढण्यात यश आले आहे. या सापांना सुरक्षित अधिवासात सोडणार असल्याचे वनविभागाने सांगितले.
यामुळे या सापाला जीवदान मिळाले.

शहराजवळील बोराटे वस्ती येथील नवनाथ बोराटे यांच्या शेतातील विहिरीत अतिविषारी असलेल्या घोणस जातीच्या नर मादी साप पडलेले असल्याचे पक्षी मित्र दिपक थोरात यांच्या निदर्शनात आल्याने ह्यांनी तात्काळ घटनचे माहिती वन विभागास कळविली.जामखेड येथील वनपाल किसन पवार, वनमजूर ताहेरअली सय्यद, शामराव डोंगरे, भाऊसाहेब भोगे घटनास्थळी दाखल झाले. ३०ते ३५ फूट खोल विहिरी मध्ये उतरण्यासाठी कोणता मार्ग नव्हता. विहिरीत मोठ्या प्रमाणावर पाणी असल्याने व उभ्या कडा असल्याने घोणस सापाना पाण्यातून बाहेर पडण्यासाठी कोणताच मार्ग नव्हता. त्यामुळे वनमजूर ताहेरअली सय्यद यांनी विहिरी शेजारी असलेल्या बोरी झाडाचा मोठा फाटा कट करुन त्यास तीन्ही बाजूने तीन वेगवेगळ्या दोरी बांधण्यात आल्या. व दोन बाजूने सावकाश विहिरीमध्ये सोडण्यात आले.दोरीच्या सहाय्याने पाण्यामध्ये पडलेल्या सापाला बाहेर काढण्यासाठी प्रयत्न सुरु केले, तब्बल दोन तासाच्या प्रयत्नानंतर विहिरीमध्ये पडलेल्या नर जातीचा घोणस साप बोरीच्या फाट्यावर येताच सावकाश दोन्ही बाजूने फाटा उचलण्यात आला.व बरणीत बंद करण्यात आला त्यानंतर मादी जातीचा साप विहिरीच्या कपारीत बसल्याने त्याला बाहेर काढण्यास मोठ्या अडचणी निर्माण होत होत्या अथक प्रयत्न करून मादी जातीचा साप हि विहिरीत सोडलेल्या बोरीच्या फाट्यावर येताच वर काढण्यात आले घोणस साप विषारी प्रजातीचा असल्याने वनमजूर ताहेरअली सय्यद यांनी मोठ्या शिफातीने साप सुरक्षित बाहेर काढले असून घोणसची जोडीच्या सध्याचा काळ हा मिलनकाळ असल्याने ते विहिरीत पडली असण्याची शक्यता आहे. घोणस पाण्यात फार काळ राहू शकत नाही. आम्ही ही जोडी पकडली असून, त्यांना लवकरच त्यांच्या सुरक्षित अधिवासात सोडून देणार असल्याचे वनमजूर ताहेरअली सय्यद यांनी सांगितले .