जामखेड न्युज——
जामखेडमध्ये खोटे सोने देऊन आठ लाखांची फसवणूक, तीघांविरोधात गुन्हा दाखल
नागरिकांनी आमिषाला बळी पडू नये- पोलीस निरीक्षक महेश पाटील
जामखेड शहरात एका कापड व्यावसायिकाची खोटे सोने देत आठ लाख रुपयांची फसवणूक झाली आहे. तसा गुन्हा जामखेड पोलीस स्टेशनला गणेश महादेव खेत्रे यांनी दिलेल्या फिर्यादी वरून तीघांविरोधात फसवणुकीचा गुन्हा दाखल झाला आहे. पोलीस निरीक्षक महेश पाटील यांनी नागरिकांना खोट्या आमिषाला बळी पडू नये तसेच आँनलाईन व्यवहार करताना काळजी घ्यावी असे आवाहन केले आहे.
जामखेड शहरातील गणेश महादेव खेत्रे वय 30 वर्ष, धंदा- कापड दुकान रा.महादेव गल्ली, जामखेड ता.जामखेड जि. अहमदनगर यांनी दिलेल्या फिर्यादीत म्हटले आहे की, माझे जामखेड शहरात भाजप पक्ष कार्यालया शेजारी क्रिएटिव्ह मेन्स वेअर नावाचे कापड दुकान आहे. कापड दुकानामध्ये सुमारे एक महिन्यापुर्वी दोन अनोळखी इसम व एक अनोळखी महिला हे माझे दुकानामध्ये कपडे खरेदी करणासाठी आले होते व त्यांनी काही कपडे खरेदी केले होते. त्यानंतर सुमारे 15 दिवसांपूर्वी सदर इसम हे पुन्हा माझे दुकानात आले.
त्यापैकी एका इसमाचे त्याचे नाव प्रजापती असे असल्याचे सांगितले होते. त्यावेळी ते तिघेही आम्हाला म्हणाले की, आमचेकडे जुने सोन्याच्या वस्तु आहेत. त्या तुम्ही तुम्ही चेक करुन पहा असे म्हणुन त्यांनी मला सोन्याचे मणी असलेला एक माळांचा गुच्छ दाखविला व त्यातील दोन मणी तोडुन त्यांनी मला देवुन हे चेक करुन पहा असे म्हणाले व निघुन गेले. त्यानंतर मी सदर मणी जामखेड शहरातील एका सोनाराच्या दुकानात घेवुन गेलो असता त्यांनी ते खरे सोने असल्याचे सांगितले.
सदर इसमांपैकी प्रजापती हा मला नेहमी फोन करत असे व आमचेकडे अजुन जुन्या सोन्याच्या वस्तु असुन त्या तुम्ही रक्कम 10,00,000/- रुपया मध्ये विकत घ्या असे म्हणत असे. त्यावेळी मी त्यांना 8,00,000/- रुपये देईल असे सांगितले होते.
सदर रक्कमेला त्यांचेकडील वस्तु देण्यास तयार झाले होते. दि.20/01/2024 रोजी दुपारी 03/00 वा.चे. सुमारास इसम नामे प्रजापती (पुर्ण नाव व पत्ता माहीत नाही) व त्याचेसोबत मला पुर्वी प्रजापती सोबत भेटलेले एक इसम व एक महिला माझे दुकानामध्ये आले व मला म्हणाले की,
आम्ही आमचेकडे असलेल्या जुन्या सोन्याच्या वस्तु घेवुन आलो असुन तुम्ही आम्हांला रक्कम 8,00,000/-(आठ लाख रुपये ) द्या, आम्ही तुम्हांला आमचेकडील सोन्याच्या वस्तु देतो. असे म्हणाल्याने मी माझेकडे असलेली रक्कम 8,00,000/- (आठ लाख रुपये ) रोख सदर अनोळखी बाईकडे दिले.
त्यावेळी प्रजापती व त्याचेसोबत असलेल्या त्या अनोळखी इसमाने त्यांचेकडे असलेले जांभळ्या रंगाचे पिशवीमधील काळे रंगाचे प्लास्टीक पिशवीमधील सोन्याचे मणी असलेला माळ्याचा गुच्छ मला दिला व तेथुन निघुन गेले.
दि.24/01/2024 रोजी मी सोन्याचे मणी असलेला माळेचा गुच्छ घेवुन सोनाराच्या दुकानात
सदर गुच्छ चेक केली असता सदर सोने खोटे असल्याचे सांगितले तेव्हा मला धक्का बसला मी प्रजापती यांच्या नंबर वर फोन केला असता सदर नंबर बंद लागत असल्याने माझी फसवणुक झाली बाबत माझी खात्री झाली. तेव्हा जामखेड पोलीस स्टेशनला तिघांजनाविरोधात फसवणुकीचा गुन्हा दाखल करण्यात आला आहे. सदर घटनेचा तपास पोलीस निरीक्षक महेश पाटील यांच्या मार्गदर्शनाखाली पोलीस काँन्टेबल संतोष कोपनर करत आहेत.
