सावधान—-
जामखेडमध्ये आँनलाईन फसवणूक करणारी टोळी सक्रिय!!
आँनलाईन व्यवहार करताना सावधानता बाळगा – पो. नि. महेश पाटील
सध्या अनेक व्यवहार आँनलाईन होतात याचाच गैरफायदा घेत काही भामटे लोक परिसरातील नागरिकांची फसवणूक करत आहेत. अनेकांची फसवणूक होण्याची शक्यता आहे त्यामुळे आँनलाईन व्यवहार करताना सावधानता बाळगावी असे आवाहन पोलीसांच्या वतीने करण्यात आले आहे.
शहरातील काही नागरिक व व्यवसायीक यांना फोन येतो. प्रसिद्ध ठिकाणचे लोकेशन दिले जाते. या ठिकाणी काही माल पाठवा. दुकानदाराला वाटते मोठे ग्राहक आहे म्हणून रिक्षाद्वारे माल पाठवला जातो तर त्या ठिकाणी कोणीही नसते ज्यांनी फोन केला होता. त्यांना फोन केल्यानंतर ते म्हणतात आम्ही बाहेर आहोत माल उतरा व बीलासाठी कँनर पाठवा किंवा फोन पे वर एक रुपया पाठवा असे म्हणतात आपल्या अकाउंटची माहिती घेतात ओटीपी सांगा म्हणतात.
असे शहरातील चार ते पाच व्यावसायिक लोकांच्या बाबतीत घडले आहे. पण सुदैवाने त्यांच्या सतर्कतेमुळे मोठी फसवणूक झाली नाही. शहरात रोजच कोणाला तरी असे फोन येत आहेत.
सध्या अनेक व्यवहार आँनलाईन होतात. याचाच गैरफायदा घेत काही भामटे लोक परिसरातील नागरिकांची फसवणूक करत आहेत. अनेकांची फसवणूक होण्याची शक्यता आहे.
शहरात गेल्या चार पाच दिवसांपासून शहरात आँनलाईन फसवणूक करणारी एक टोळी सक्रिय आहे. अनेकांची फसवणूक होण्याची शक्यता आहे त्यामुळे सावधानता बाळगावी असे आवाहन करण्यात आले आहे.
शहरातील एका इलेक्ट्रॉनिक दुकानदाराला आँनलाईन फसवणूक करणाऱ्या टोळीतील एकाच
9109346193 या नंबर वरुन फोन आला व पाच
फँन, दहा बल्ब, वायर बंडल असे साहित्य शहरातील एका विद्यालयात पाठवा असे फोन द्वारे सांगितले दुकानदाराला वाटले मोठी आर्डर आहे. म्हणून लगेच साहित्य रिक्षा द्वारे संबंधित ठिकाणी पाठवले तर तेथे कोणीच नव्हते.
संबंधित दुकानदाराने विद्यालयाचे प्राचार्य यांना याबाबत कळविले तर प्राचार्य म्हणतात आम्ही अशी कोणतीही आर्डर दिली नाही. तरी मी चौकशी करतो. नंतर कळले की, कोणीही तशी आर्डर दिली नाही. संबंधित व्यक्तीला फोन केला तर ते म्हणाले की, आम्ही कामात बाहेर आहोत. तुम्ही माल उतरून घ्या एक कँनर पाठवले आहे यावर एक रूपया पाठवा म्हणजे तुमचे बील पाठवतोत एक रूपया पाठवला यावर परत दोन रुपये पाठवले. व दुसरा फोन पे नंबर देत परत एक रूपया पाठवण्यास सांगितले दुकानदाराला संशय आल्याने फोन पे वर रुपया न पाठवता माल परत आणला यामुळे फसवणूक होऊ शकली नाही.
याबाबत जामखेडचे पोलीस निरीक्षक महेश पाटील यांच्याशी संपर्क केला असता ते म्हणजे की, विना नंबर व्हिडिओ काँल घेऊ नयेत, तसेच तुमचा नंबर लकी आहे. तुम्हाला एवढे बक्षीस लागले आहे. तसेच काही लिंक पाठवतात हे सर्व फसवे आहे. कोणीही अशा लिंक ओपन करू नये. ज्यांना कोणाला असे फोन येतील तर ताबडतोब पोलीसांना कळवा पोलीस कारवाई करतील.
चौकट
ज्या ठिकाणी माल पाठवण्यास सांगितलेले असते. तेथे कोणीही नसते दिलेल्या पत्यावर विचारले तर कोणतीही आर्डर दिलेली नाही असे सांगितले जाते. चार ते पाच दिवसात दोन तीन घटना घडल्या आहेत. कँनर पाठवा नंतर फोन पे नंबर पाठवा असे सांगितले जाते यात मोठी फसवणूक होण्याची शक्यता आहे.
