जामखेड न्युज——
मराठा आरक्षणासाठी महाराष्ट्र राज्य ग्रामरोजगार सेवक संघटनेचा साखळी उपोषणास पाठिंबा
मराठा संघर्ष योद्धा मनोज जरांगे पाटील यांनी आपले उपोषण मागे घेतले असले तरी जामखेड तालुक्यात साखळी उपोषण व पुढाऱ्यांना गाव बंदी कायम आहे. दररोज तालुक्यातील एक दिवसभर उपोषण करते आज महात्मा गांधी राष्ट्रीय रोजगार महाराष्ट्र राज्य ग्रामरोजगार संघटनेच्या वतीने मराठा आरक्षणासाठी सुरू असलेल्या साखळी उपोषणाला जाहीर पाठिंबा देण्यात आला.
काल दि. ६ रोजी जमादारवाडीचे साखळी उपोषण होते यांनी दिवसभर भजन गात व वाद्य वाजवत उपोषण केले. पेटी, टाळ, मृदुंग असा संचच घेऊन आले होते. दिवसभर भजन म्हणत उपोषण केले.
मराठा समाजास सरसकट कुणबी प्रमाणपत्र मिळावे व ओबीसी मधून आरक्षण मिळावे या मागणीसाठी सुरू असलेले अंतरवली सराटी या ठिकाणचे आमरण उपोषण नुकतेच मनोज जरांगे पाटील यांनी मागे घेतले आहे. शासनाला दोन महिन्याची मुदत देऊन ओबीसी मधून आरक्षण देण्यासंदर्भात शेवटचा अल्टिमेट दिला आहे. मात्र उपोषण जरी सुटले आसले तरी महाराष्ट्रात मराठा समाजाचे साखळी उपोषणे सुरूच रहाणार आहेत. याच अनुशंगाने जामखेड व विविध गावात असलेले साखळी उपोषण देखील सुरुच ठेवण्याचे व पुढाऱ्यांना गाव बंदी कायम लागूच ठेवण्याचे आवाहन मराठा क्रांती मोर्चा जामखेडच्या वतीने करण्यात आले आहे.
जामखेड तालुक्यातील रणरागिणीही मैदानात उतरल्या होत्या एक दिवस साखळी उपोषण, एक दिवस कँन्डल मार्च तर एक दिवस रास्ता रोको आंदोलन करत रणरागिणी मैदानात उतरल्या होत्या.
तसेच तालुक्यातील वकील संघटनेच्या वतीने मराठा आरक्षणासाठी जाहीर पाठिंबा देण्यात आला दिवसभर कामकाज बंद ठेवून पाठिंबा व्यक्त केला.
आज महात्मा गांधी राष्ट्रीय रोजगार महाराष्ट्र राज्य ग्रामरोजगार संघटनेचे तालुकाध्यक्ष हरीभाऊ वराट
उपाध्यक्ष ज्ञानेश्वर लबडे, सचिव सुनिल सानप यांनी आपल्या संघटनेच्या वतीने मराठा आरक्षणासाठी सुरू असलेल्या साखळी उपोषणाला जाहीर पाठिंबा देण्यात आला. तालुक्यात एकूण ६२ ग्रामरोजगार सेवक आहेत.
