जामखेड न्युज——
हमीभाव योजने अंतर्गत सुरु असलेल्या योजनेचा शेतकऱ्यांनी लाभ घ्यावा
जिल्ह्यात सात ठिकाणी खरेदी केंद्रे सुरु
हंगाम २०२२-२३ मध्ये आधारभुत किंमत खरेदी योजने अंतर्गत मुग, उडीद व सोयाबीन या शेतमालाची शासनाने हमी भावाने खरेदी करण्यासाठी शेतकरी नोंदणी व खरेदी सुरु केलेली आहे.
हंगाम २०२२-२३ मध्ये मुगासाठी ७ हजार ७५५ प्रति क्विंटल, उडिदसाठी ६ हजार ६०० प्रति क्विंटल व सोयाबीनसाठी ४ हजार ३०० प्रति क्विंटल प्रमाणे दर निश्चित केलेले आहेत. तसेच मंजुर केंद्रावर ४ नोव्हेंबर, २०२२ पासुन शेतकरी शेतमाल नोंदणी सुरु करण्यात आलेली असुन १० नोव्हेंबर, २०२२ ते ७ फेब्रुवारी, २०२३ असा खरेदी कालावधी शासनाने निश्चित केलेला आहे. जिल्हयामध्ये पारनेर, पाथर्डी, कर्जत, राहुरी, साकत, मांडवगण व बोधेगाव या सात ठिकाणी खरेदी केंद्र सुरु करण्यात आहेत.
या योजनेमध्ये शेतमाल नोंदणीसाठी संबंधित शेतकऱ्यांचे आधारकार्ड, ७/१२ उतारा, चालु हंगामातील ऑनलाईन पीकपेरा नोंद असलेला ८ अ, बॅक पासबुक, धनादेश छायांकीत प्रत आदी कागदपत्रे नोंदणीसाठी आवश्यक असून जिल्ह्यातील सर्व शेतक-यांनी हमीभाव योजने अंतर्गत सरु असलेल्या योजनेचा लाभ घेण्याचे आवाहन जिल्हा मार्केटींग अधिकारी, अहमदनगर यांनी प्रसिद्धी पत्रकाद्वारे केले आहे.
