नगर जिल्ह्यात कांदा चाळीसाठी कोट्यवधींची रक्कम मंजूर – कोणत्या तालुक्याला किती निधी

 नगर जिल्ह्यात कांद्याचे(Onion) उत्पादन मोठ्या प्रमाणावर होत आहे. बऱ्याच शेकऱ्याकडे कांदा साठवुणकीसाठी सोय नसल्यामुळे ते मिळेल त्या किमतीला कांदा विकून टाकतात.

परिणामी अनेकदा शेतकऱ्यांना (Farmer) तोटा होतो. हे होऊ नये म्हणून सरकार, राष्ट्रीय कृषी विकास योजनेतून शेतकऱ्यांना कांदा चाळ(Onion Chal) बांधण्यासाठी ८७ हजार ५०० रुपये अनुदान देते. त्यासाठी नगर जिल्ह्यातून ८८ हजार शेतकऱ्यांचे महाडीबीटीवर अर्ज आले होते.

नगर जिल्ह्यात २०२१-२२ व २०२२-२३ या दोन वर्षासाठी २ हजार ५२३ कांदा चाळी उभारण्याचे लक्ष्य ठेवले आहे. मागच्या वर्षी कोरोनामुळे फारसा निधी मंजूर झाला नव्हता. आता कोरोनाचे संकट कमी झाले असल्याने भरीव निधी सरकारने मंजूर केला आहे. कांदा चाळीसाठी या वर्षाला २२ कोटी ७ लाख रुपयाचा निधी मंजूर झाला आहे. अशी माहिती जिल्हा फलोत्पादन कृषी अधिकारी किरण मोरे यांनी दिली.