जामखेड प्रतिनिधी
पदरमोड करून रस्ते वीज व पाण्याची सोय, मंदिराचा जीर्णोद्धार तसेच शाळेसाठी मोठ्या प्रमाणावर मदत, अनेक ठिकाणी मुरमीकरण, माझे कुटुंब माझी जबाबदारी अंतर्गत भव्य दिव्य असे महाआरोग्य शिबीर यात सुमारे 2700 रूग्णांना फायदा झाला तर अनेकांना आरोग्य विषयक व्याख्यानाचा लाभ झाला हे सर्व निस्वार्थपणे सावळेश्वर उद्योग समूहाचे नेते रमेश आजबे हे करत आहेत त्यांचे हे कौतुकास्पद आहे असे सुनंदाताई पवार म्हणाल्या.
सावळेश्वर उद्योग समूहाचे नेते सामाजिक कार्यकर्ते रमेश आजबे यांनी डॉ. स्वागत तोडकर यांचे मोफत निसर्गोपचार महाआरोग्य शिबीराचे आयोजन केले होते. यात महाराष्ट्र भरातुन सुमारे 2700 रूग्णांची तपासणी करून आरोग्य विषयक सल्ला दिला यानंतर ल. ना. होशिंग विद्यालयाच्या प्रांगणात आरोग्य विषयक व्याख्यान आयोजित करण्यात आले होते.
यावेळी डॉ. स्वागत तोडकर, सुनंदाताई पवार, पंचायत समितीच्या सभापती राजश्री मोरे, सामाजिक कार्यकर्ते रमेश आजबे, दि पिपल्स एज्युकेशन सोसायटीने खजिनदार राजेश मोरे, प्राचार्य श्रीकांत होशिंग, संजयवराट, उपमुख्याध्यापक श्रीधर जगदाळे यांच्या सह अनेक मान्यवर उपस्थित होते.
यावेळी बोलताना सुनंदाताई पवार म्हणाल्या की, झाडे ही आपली आठवण असतात आपल्या अवतीभवती मोठ्या प्रमाणावर औषधी वनस्पती असतात संक्रांतीचा वाण म्हणून प्रत्येकाने नगरपरिषदे ला एक झाड द्यावे असे आवाहन केले सध्या आमदार रोहित पवार यांच्या मार्गदर्शनाखाली जामखेडचा चेहरा-मोहरा बदलण्यासाठी प्रयत्न सुरु आहेत. महाराष्ट्रातील सर्वात आगळेवेगळे बसस्थानक जामखेड मध्ये होणार आहे. तसेच रस्ते होत आहेत. नदी सुशोभीकरण सुरू आहे. आपणास स्वच्छ सर्वेक्षणात नंबर आणावयाचा आहे. तसेच या सर्व कामांमधे रमेश आजबे हे निस्वार्थपणे मदत करत आहेत त्यांचे हे कार्य कौतुकास्पद आहे.
सामाजिक कार्यकर्ते रमेश आजबे यांनी आतापर्यंत पदरमोड करून अनेक मंदिराचा जीर्णोद्धार, अनेक ठिकाणी रस्ते वीज व पाणी समस्या सोडविल्या आहेत. ग्रामीण रुग्णालयात बोअरवेल घेतल्याने रूग्ण व नातेवाईकांची पिण्याच्या पाण्याची व्यवस्था केली. ल. ना. होशिंग माध्यमिक व उच्च माध्यमिक विद्यालय व जामखेड महाविद्यालय जामखेड येथिल पाच हजार मुलांसाठी बंद रस्ता सुरू करून पेव्हिंग ब्लाॅक बसवून दिल्याने सोय झाली, शाळा डिजिटल करण्यासाठी मदत केली. कोविड काळात मोफत उपचार करणाऱ्या आरोळे कोविड सेंटरला गहू व तांदळाचा तसेच लाखो रुपयांचा आॅक्सिजन पुरवठा केला. अनेक ठिकाणी वृक्षारोपण केले, तसेच बंद रस्ते सुरू करून मुरमीकरण केले. आणी आतातर भव्य दिव्य असे आरोग्य शिबीर घेतले सुमारे तीन हजार पेक्षा जास्त लोकांनी या आरोग्य शिबीर व व्याख्यानाचा लाभ घेतला. पदरमोड करून समाजासाठी अहोरात्र झटणारा खरा समाजसेवक म्हणून लोक रमेश ( दादा.) आजबे यांचे कौतुक करत आहेत.
