जामखेड प्रतिनिधी
मुदत ठेवीवरील अकर्षक व्याजदर व परतावा देण्याचे अमिष दाखवून मुदतठेवीवरील दोन लाख रुपये परत न देता फसवणूक केल्या प्रकरणी वि. दा. सावरकर मल्टीस्टेट को, सोसायटी शाखा जामखेड च्या मॅनेजिंग डायरेक्टर सह एकुण पाच जणांविरोधात फसवणूकीचा गुन्हा दाखल करण्यात आला आहे.या प्रकरणी शाखा मॅनेजर वैभव रघुवीर देशमुख, कॅशियर विकास नानासाहेब कुलकर्णी, क्लार्क शेखर प्रमोद वायभट तीघे रा. जामखेड , मॅनेजिंग डायरेक्टर प्रमोद बालाजी निमसे व गणेश शंकर थोरात दोघे रा. केडगाव, अहमदनगर अशा एकुण पाच जणांविरोधात जामखेड पोलीस स्टेशनला फसवणूकीचा गुन्हा दाखल करण्यात आला आहे. फिर्यादी उमेश विठ्ठल देशमुख रा. जामखेड यांनी आपल्या फिर्यादीत म्हटले आहे की दोन वर्षापूर्वी जामखेड शहरात वि. दा. सावरकर मल्टीस्टेट को अॉफ सोसायटी ची शाखा सुरू झाली होती. या शाखेत २०१८ साली पासुन मुदत ठेवीवर आकर्षक व्याजदरासह परतावा देण्याची जाहीरात आली होती. या जाहिराती मध्ये पैशाच्या ठेवीवर अकर्षक व्याजदर व परतावा देण्याचे ठरले होते. यामुळे फीर्यादी उमेश देशमुख यांनी या शाखेत दोन लाख रुपये १३ महीन्यांच्या मुदतीवर फीक्स डीपॉझीट ठेवले होते. याची मुदत संपल्यानंतर फिर्यादी हे बँकेत पैसै आणण्यासाठी गेले आसता सदर ची बँक दिवाळखोरी मध्ये निघाली आहे असे बँकेतील कर्मचार्‍यांकडुन समजले. वेळोवेळी पैशाची मागणी करुनही संबंधित बँकेचे अधिकारी व कर्मचाऱ्यांन कडुन फिर्यादीस पैसै मिळेले नसल्याने आपली फसवणूक झाल्याचे फिर्यादीच्या लक्षात आले. त्यामुळे यांनी दि २१ रोजी जामखेड पोलिस स्टेशनला या प्रकरणी फिर्याद दाखल केली आहे. त्यानुसार वि दा सावरकर मल्टीस्टेट को अॉफ सोसायटी चे मॅनेजिंग डायरेक्ट सह एकुण पाच जणांविरोधात जामखेड पोलीस स्टेशनला फसवणूकीचा गुन्हा दाखल करण्यात आला आहे. पुढील तपास पोलीस निरीक्षक संभाजी गायकवाड यांच्या मार्गदर्शनाखाली पोलीस हेडकॉन्स्टेबल बापूसाहेब गव्हाणे हे करत आहेत.
