जामखेड न्युज——
फार्मसी काॅलेज साकतमध्ये कै. देवराव दिगांबर वराट यांचे तृतीय पुण्यस्मरण
संत ज्ञानेश्वर बहुउद्देशीय सेवाभावी संस्थेच्या कै. देवराव दिगांबर वराट फार्मसी काॅलेज मध्ये देवराव वराट गुरूजी यांचे तृतीय पुण्यस्मरण साजरे करण्यात आले. यावेळी संस्थेचे पदाधिकारी, प्राचार्य व शिक्षक स्टाफ तसेच ग्रामस्थ हजर होते.
यावेळी संत ज्ञानेश्वर बहुउद्देशीय सेवाभावी संस्थेचे
अध्यक्ष प्रा. अरूण वराट, सचिव तसेच जामखेड कृषी उत्पन्न बाजार समितीचे उपसभापती कैलास वराट, पत्रकार सुदाम वराट, प्राचार्य डॉ. गोरक्ष बारगजे, प्रा. कैलास माने, प्रा. किरण सानप महादेव वराट, नानासाहेब लहाने, राजाभाऊ वराट, विष्णू लहाने, अशोक नेमाने यांच्या सह अनेक मान्यवर उपस्थित होते.
संत ज्ञानेश्वर बहुउद्देशीय सेवाभावी संस्थेच्या माध्यमातून श्री साकेश्वर सायन्स ज्युनियर कॉलेज साकत व जय हनुमान माध्यमिक व उच्च माध्यमिक विद्यालय कोल्हेवाडी यानंतर आता फार्मसी च्या रूपाने नवीन कोर्सला सुरू झाल्यामुळे परिसरातील विद्यार्थ्यांना व्यावसायिक शिक्षणाची संधी परिसरात उपलब्ध झाली आहे.
साकत सारख्या दुर्गम भागात वराट बंधुंनी बारा वर्षांपूर्वी संत ज्ञानेश्वर बहुउद्देशीय शिक्षण संस्थेच्या माध्यमातून साकेश्वर सायन्स ज्युनियर कॉलेज व जय हनुमान माध्यमिक व उच्च माध्यमिक विद्यालय सुरू केले आज मोठा वटवृक्ष निर्माण झाला आहे.यातच आता फार्मसी काॅलेजचे भर पडली आहे. हजारो विद्यार्थ्यांना या शिक्षण संस्थेमुळे फायदा होत आहे.
महाराष्ट्रातील अनेक मेडिकल व इंजिनिअरिंग काॅलेज मध्ये या संस्थेचे विद्यार्थी आहेत. संस्थेने आपल्या उज्ज्वल यशाची परंपरा कायम ठेवली आहे. त्यामुळे महाराष्ट्रातील विद्यार्थ्यांसाठी हि संस्था आकर्षण ठरली आहे. आता फार्मसी च्या रूपाने नवीन कोर्स सुरू झाल्याने ग्रामीण भागात व्यावसायिक शिक्षणाचे द्वार उघडले आहे. वराट बंधू मुळे ग्रामीण विद्यार्थ्यांना व्यावसायिक शिक्षणाचा मोठा फायदा होत आहे.
