जामखेड न्युज——
जामखेड मधील वायरमन लाच घेताना रंगेहात पकडला
प्लॉट समोर विज वितरण कंपनीची विद्युत वहिनी असल्यामुळे विद्युत पुरवठा चालू असताना समोरील बाजूचे कामकाज करता यावे व कामगारांना काम करताना विजेपासून धोका होऊ नये, तात्पुरता वीज खंडित करण्यासाठी २५०० रूपये लाचेची मागणी करत असल्याची तक्रार लाचलुचपत प्रतिबंधक विभागाकडे देण्यात आली होती यानुसार लाचलुचपत प्रतिबंधक विभागाने सापळा लावून जामखेड येथील वायरमन संतोष शांतीनाथ आष्टेकर यास दोन हजार रुपयांची लाच घेताना रंगेहात पकडले यामुळे परिसरात एकच खळबळ उडाली आहे.
वीज वितरण कंपनीची विद्युत वहिनी असल्यामुळे विद्युत पुरवठा चालू असताना समोरील बाजूचे कामकाज करता यावे व कामगारांना काम करताना विजेपासून धोका होऊ नये यासाठी विज पुरवठा तात्पुरता वीज खंडित करणेसाठी असे एकूण पाच वेळा वीज खंडित करण्याचे २५०० रूपये लाचेची मागणी करत असल्याची तक्रार लाचलुचपत प्रतिबंधक विभागाकडे देण्यात आली होती.
पडताळणी केली असता सदर तक्रार खरी असल्याचे निदर्शनास आल्याने आज दि. १७ ऑक्टोबर रोजी लाचलुचपत प्रतिबंधक विभागाच्या पथकाने मारलेल्या छाप्यात यातील आरोपी लोकसेवक संतोष शांतीनाथ आष्टेकर (बाह्यस्रोत वायरमन) यास लाच स्वीकारताना रंगेहाथ पकडण्यात आले असून त्यास अटक करण्यात आली आहे.
या बाबत सविस्तर असे की यातील ४५ वर्षीय तक्रारदार पुरुष रा- वराट हॉस्पिटल शेजारी,खाडे नगर, जामखेड यांचे जामखेड शहरातील रामेश्वर नगर, जामखेड येथे घराचे बांधकाम चालू असून बांधकाम चालु असलेल्या प्लॉट समोर म.रा.वि.वि. कंपनीची विद्युत वहिनी असल्यामुळे विद्युत पुरवठा चालू असताना समोरील बाजूचे कामकाज करता येत नव्हते, त्यामुळे सुरक्षित रित्या बांधकाम करण्यासाठी विद्युत पुरवठा खंडित करणे आवश्यक होते, त्यामुळे यातील तक्रारदार यांनी त्यांच्या भागातील वायरमन आरोपी संतोष अष्टेकर यांना विद्युत पुरवठा खंडित करण्याबाबत विनंती केली असता त्यांनी यापूर्वी ४ वेळा विद्युत पुरवठा २ तासासाठी खंडीत करून दिला होता. त्यासाठी ५०० रुपये घेतले होते. काल दि. १६ ऑक्टोबर रोजी ४ वेळा वीज खंडित करण्याचे प्रत्येक वेळी ५०० प्रमाणे यापूर्वी 4 वेळा वीज खंडित केलेबाबत व आज रोजी ची 10.30 ते 12.30 यावेळात वीज खंडित करणेसाठी असे एकूण पाच वेळा वीज खंडित करण्याचे २५०० रूपये लाचचे मागणी करत असल्याची तक्रार लाचलुचपत प्रतिबंधक विभाग अहमदनगर यांचेकडे करण्यात आली होती.
त्यानुसार आज दि. १७ रोजी रोजी पंचासमक्ष पडताळणी करण्यात आली असता यातील आरोपी संतोष आष्टेकर ययांनी प्रत्येक वेळी वीज खंडित करण्यासाठी ५०० ₹ प्रमाणे २५०० ₹ लाच मागणी करून २००० ₹ लाच रक्कम स्वीकारण्याचे मान्य केल्याचे तसेच यापूर्वी ५००₹ लाच रक्कम स्वीकारल्याचे देखील मान्य केल्याचे पडताळणी कारवाईमध्ये निष्पन्न झाले.
सदर लाच रक्कम आरोपी लोकसेवक याने आज दि. १७ रोजी जामखेड येथे तक्रारदार यांच्या बांधकाम चालू असलेल्या प्लॉट समोरील DP जवळ आयोजित केलेल्या सापळा कारवाई दरम्यान पंचासमक्ष २००० ₹ लाच रक्कम स्वीकारली असता त्यांना रंगेहाथ पकडण्यात आले आहे. जामखेड पोलिस स्टेशन येथे गुन्हा दाखल करण्यात आली असून आरोपी संतोष शांतीनाथ अष्टेकर (वय ४१ वर्ष) पद-बाह्यस्रोत वायरमन म रा वि वि कंपनी, जामखेड सेक्शन, ता. जामखेड याचे विरुध्द गुन्हा दाखल करण्यात आला असून त्यास अटक करण्यात आली आहे.
ही कारवाई लाचलुचपत प्रतिबंधक विभाग नाशिक परिक्षेत्राच्यापोलीस अधीक्षिका श्रीमती शर्मिष्ठा वालावलकर, अपर पोलीस अधीक्षक माधव रेड्डी, वाचक पोलीस उपअधीक्षक नरेंद्र पवार, सापळा अधिकारी पोलीस निरीक्षक शरद गोर्डे यांच्या मार्गदर्शनाखाली पोलीस अंमलदार पोलीस नाईक रमेश चौधरी, पोलीस काॅन्स्टेबल, बाबासाहेब कराड, सचिन सुद्रुक, चालक हेडकॉन्टेबल दशरथ लाड यांनी काम पाहिले. तर पर्यवेक्षण अधिकारी म्हणून पोलीस उप अधीक्षक प्रविण लोखंडे (ला.प्र.वि.) यांनी केली आहे.
चौकट..
सर्व नागरीकांना आवाहन करण्यात येते की, त्यांच्याकडे कोणत्याही शासकीय अधिकारी/कर्मचारी यांनी किंवा वा त्यांच्या वतीने खाजगी इसमाने त्यांचे कोणतेही शासकीय काम करून देण्यासाठी लाचेची मागणी केल्यास तात्काळ संपर्क साधावा. असे आवाहन अँन्टी करप्शन ब्युरो, अहमदनगर यांनी केले आहे तसेच खालील नंबर वर फोन करण्याचे आवाहन केले आहे.
दुरध्वनी- ०२४१- २४२३६७७
@ टोल फ्रि क्रं. १०६
