पुण्यश्लोक अहिल्यादेवी होळकरांच्या जयंतीनिमित्त राष्ट्रवादी काँग्रेसच्या वतीने स्वच्छता मोहीम

राजमाता पुण्यश्लोक आहिल्यादेवी होळकर यांच्या ३१ मे रोजी होणाऱ्या जयंतीनिमित्त चौंडी येथे आमदार रोहित पवारांच्या माध्यमातून सुशोभीकरण, रंगरंगोटी, डागडुजी तसेच स्वच्छता मोहिम व डेकोरेशन मंडप सह जोरदार जय्यत तयारी केली आहे. राज्यभरातून लाखो भाविक भक्त येणार आहेत त्यामुळे परिसर चकाचक असावा म्हणून जामखेड तालुका राष्ट्रवादी काँग्रेसच्या वतीने परिसराची स्वच्छता मोहीम हाती घेतली आहे. सकाळी व सायंकाळी दररोज प्रत्येक कार्यकर्ता हातात झाडू घेऊन स्वच्छता मोहिम हाती घेतली आहे. त्यामुळे परिसर चकाचक झाला आहे.

               ADVERTISEMENT

      पुण्यश्लोक आहिल्यादेवी होळकर यांच्या जयंतीनिमित्त आमदार रोहित पवारांच्या माध्यमातून चौंडी येथील बागेतील नवग्रह व राशीच्या परिक्रमा शिल्पांचे सुशोभीकरण, रंगरंगोटी काम युद्ध पातळीवर सुरू आहे तसेच महादेव मंदिर परिसरातील फरशी व वाड्यातील भुयारी लाईट व तडे गेलेल्या भिंतीची डागडुजी सुरू आहे तसेच कार्यक्रमासाठी येणाऱ्या कर्जत-जामखेड वरून येणार्‍या रस्त्याच्या रूंदीकरणाचे काम केले आहे.

    राष्ट्रवादी काँग्रेसच्या वतीने पुण्यश्लोक आहिल्यादेवी होळकर जयंतीनिमित्त या पवित्र भूमीची स्वच्छता मोहीम हाती घेतली आहे. तसेच कार्यक्रम संपल्यानंतरही राष्ट्रवादी काँग्रेस संपुर्ण परिसराची स्वच्छता करणार असल्याचे राष्ट्रवादी काँग्रेसच्या कार्यकर्त्यांनी जामखेड न्युजशी बोलताना सांगितले.

   रोहित पवार आमदार झाल्यापासून चौंडी गावचा विकास मोठ्या प्रमाणावर सुरू आहे. तसेच जयंतीला सर्व पक्षीय नेत्यांनी व सर्व जातीधर्माच्या लोकांनी उपस्थित राहावे असे आवाहन आमदार रोहित पवारांनी जामखेड न्युजशी बोलताना सांगितले.