जामखेड न्युज——
आँलपिंकमध्ये अविनाश साबळेने केली निराशा, अंतिम फेरीत ११ व्या स्थानावर
महाराष्ट्राच्या अविनाश साबळेने भारतीयांची निराशा केली. ३००० मीटर स्टीपलचेस प्रकारात अविनाशकडून भारताला मोठ्या आशा होत्या. पात्रता फेरीत त्याेन दमदार कामगिरी केली होती. त्यामुळे फायनलमध्ये तो कशी कामगिरी करतो, याकडे सर्वांच्या नजरा लागलेल्या होत्या. पण अविनाश यावेळी ११ व्या स्थानावर राहीला आणि भारताच्या पदकाच्या आशा धुळीस मिळाल्या. भारताच्या मीराबाई चानूचे पदकही यावेळी एका गुणाने हुकल्याचे पाहायला मिळाले.
अविनाशकडून भारताला मोठ्या आशा होत्या. कारण पॅरिसमधील पहिल्या फेरीत त्यने चांगली कामगिरी केली होती. त्यामुळे तो फायनलमध्ये कशी कामगिरी करतो, याची उत्सुकता सर्वांना होती. पण अविनाशने फायनलमध्ये चाहत्यांना निराश केले.
अविनाश साबळे अंतिम फेरीत कसा पोहोचला होता, जाणून घ्या…
महाराष्ट्राच्या अविनाश साबळे हा पात्रता फेरीत सुरुवातीला चांगली कामगिरी करत होता. अविनाश हा दुसऱ्या स्थानावर सुरुवातीला होता. पण जसजशी शर्यत पुढे गेली तस तसा अविनाश हा मागे पडायला लागला. त्यामुळे अविनाश हा अंतिम फेरीत पोहोचणा की नाही, असा प्रश्न चाहत्यांना पडलेला होता. कारण या प्रकारात दोन गट करण्यात आले होते. दोन्ही विभागात जे अव्वल पाच खेळाडू असतील त्यांना अंतिम फेरीत पोहोचता येते. त्यामुळे अविनाश पाचवा येतो की नाही, याकडे सर्वांचे लक्ष होते.
अविनाश साबळेने आपली आघाडी तर गमावली होती. पण तो पहिल्या ५-६ क्रमाकांमध्ये दिसत होता. अविनाश पाचवा येणार की नाही, याकडे सर्व भारतीयांचे लक्ष लागलेले होते. शर्यत अखेरच्या टप्प्यात आली तेव्हा अविनाशने आपला वेग थोडा वाढवला होता. त्यामुळे तो आता पाचव्या स्थानावर येईल, असा विश्वास वाटत होता. अविनाशने हा विश्वास सार्थ ठरवला आणि तो शर्यत संपली तेव्हा पाचव्या स्थानावर होता. त्यामुळे त्याने अंतिम फेरीत स्थान पटकावले होते.
अविनाशने यापूर्वी चांगली कामगिरी केली होती. त्यामुळे यावेळी तो पदक पटकावणार का, याची उत्सुकता सर्वांना होती. पण अविनाशने यावेळी निराशा केली.
