जामखेड न्युज——
जामखेडमध्ये शोकाकुल वातावरणात संदेश कोठारीवर अंत्यसंस्कार
दहा दिवसांपूर्वी १६ नोव्हेंबरच्या रात्री चांदवड राज्य मार्गावरील हिंगोणे गावानजीक वळणावर चारचाकी गाडी उलटल्याने एक जागीच ठार, तर तीनजण जखमी झाले होते. जखमी संदेश कोठारीवर संभाजीनगर येथील खाजगी हाँस्पिटल मध्ये उपचार होते काल दि. २५ रोजी संदेश कोठारीचे (वय ३९) निधन झाले होते. रात्री शवविच्छेदन करून आज सकाळी अकरा वाजता जामखेड येथे महावीर ज्युनियर काॅलेज जवळ कोठारी फार्म मध्ये शोकाकुल वातावरणात अंत्यसंस्कार करण्यात आले.
यावेळी माजी आमदार भीमराव धोंडे, राजेंद्र पिपाडा, देविदास धस, दिलीप बाफना, अमित चिंतामणी, शांतीलाल गांधी, कृषी उत्पन्न बाजार समितीचे सभापती शरद कार्ले, अजय काशिद, दि, पिपल्स एज्युकेशन सोसायटीचे सचिव शशिकांत देशमुख, प्रा. मधुकर राळेभात, मंगेश आजबे, सुरेश भोसले, सुर्यकांत मोरे, शरद शिंगवी, प्रशांत बोरा, आर्यस बडजाते, लक्ष्मण ढेपे, शहाजी राळेभात, अँड हर्षल डोके, संदेश बलाई, यासह मोठ्या संख्येने मित्रपरिवार व नातलग उपस्थित होते.
संदेश कोठारी हा जामखेडचे माजी सरपंच व प्रसिद्ध व्यापारी सुनील कोठारी यांचा मुलगा तर सामाजिक कार्यकर्ते संजय कोठारी यांचा पुतण्या होता. त्यांच्या अकाळी जाण्याने कोठारी कुटुंबावर दु:खाचा डोंगर कोसळला आहे. त्याच्या मागे आई- वडील, पत्नी, दोन मुली, एक मुलगा, भाऊ असा परिवार आहे.
चाळीसगाव जवळील हिंगोणे गावाजवळ झालेल्या
भयान अपघातात अरुण मोरे (४५, रा. घोगरगाव, श्रीगोंदे) हा जाग्यावरच मृत पावला होता. आणि यातील जखमी संदेश कोठारीचे काल निधन झाले होते. तर रसिकलाल मोहनलाल बोथरा (४५), सुजित सुनील अवसरकर (३७, तिघे रा. (जामखेड) हे जखमी होते. यातील बोथरा हे नगर येथे उपचार घेत आहेत.
कोठारी आपल्या मित्र परिवारासह गुरुवारी दि. १६ नोव्हेंबर रोजी मध्यरात्रीनंतर चारचाकी गाडीने क्रमांक एम.एच. १६ सी.व्ही. २२७७ जळगाव येथून जामखेड येथे येत होते. दरम्यान, हिंगोणे (ता. चाळीसगाव ) जवळील वळणावर अचानक आलेल्या खराब रस्त्यामुळे चालकाचा ताबा सुटल्याने गाडी उलटून झाडावर आदळली. होती यातील अरुण मोरे (४५, रा. घोगरगाव, श्रीगोंदे) हा जाग्यावरच मृत पावला होता.तर संदेश कोठारी संभाजीनगर येथे उपचार घेत होते. आज त्यांचेही निधन झाले आहे. यामुळे मृतांची संख्या दोन झाली आहे.
गाडी झाडात अडकल्याने यातील प्रवाशांना बाहेर काढता येत नव्हते. दरम्यान, खासदार उन्मेष पाटील चाळीसगावकडे जात असताना ते घटनास्थळी थांबले. तत्काळ चाळीसगाव येथून रुग्णवाहिका व कटर मागविले होते.गाडी कापून जखमी प्रवाशांना बाहेर काढले. चाळीसगाव येथे खासगी रुग्णालयात त्यांच्यावर उपचार सुरू होते, तर यात अरुण मोरे (४५) रा. घोगरगाव यांचा मृत्यू झाला. तर संदेश सुनील कोठारी (३९) यांचे काल निधन झाले आहे. आज मोठ्या शोकाकुल वातावरणात संदेश कोठारी वर अंत्यसंस्कार करण्यात आले.
