जामखेड न्युज——
शेतकरी हितासाठी सभापती शरद कार्ले यांनी घेतला महत्त्वाचा निर्णय
जामखेड कृषी उत्पन्न बाजार समितीच्या माध्यमातुन खर्डा येथील उपबाजार समिती येथे आठवड्याला पशुधन बाजार सुरू करण्याचा निर्णय जामखेड बाजार समिती सभापती शरद कार्ले व सर्व संचालक मंडळांनी घेतला आहे त्यामुळे शेतकरी वर्गात आनंदाने वातावरण आहे.
असुन दिनांक २१/०९/२३ वार गुरवार या दिवशीपासुन दर गुरुवारी खर्डा येथे पशुधन बाजार सुरू होणार आहे,त्यामुळे शेतकरी आणि व्यापारी वर्गाला पशुधन खरेदी विक्री साठी दर शनिवारी भरणा-या जामखेडच्या आठवडा बाजारासोबत आणखी एक नवा पर्याय मिळणार आहे.
सध्या अहमदनगर जिल्ह्यात लंपीच्या साथीमुळे जनावरांचे बाजार भरविण्यात अडचणी निर्माण झाल्या असल्या कारणाने सुरूवातीला खर्डा येथे शेळी, मेंढी, बोकड या पशुधनाच्या खरेदी विक्रीसाठी खर्डा येथे नवीन बाजारपेठ उपलब्ध करून देण्याच्या कारणाने हा निर्णय जामखेड बाजार समितीकडुन घेण्यात आला आहे. तरी पशुधन खरेदी विक्री करणाऱ्यांनी या संधीचा फायदा घ्यावा असे आवाहन कृषी उत्पन्न बाजार समिती जामखेडचे सभापती शरद कार्ले यांनी जामखेड न्युजशी बोलताना केले आहे.
