जामखेड न्युज——
सामाजिक कार्यकर्ते रमेश आजबे यांच्या पत्राची दखल जामखेड ते चिंचपूर रस्त्यावरील खड्डे बुजवले
जामखेड ते चिंचपूर हा रस्ता अंत्यत खराब झाला आहे. या रस्त्यावर मोठ मोठे खड्डे आहेत. वाहनचालकांना वाहने चालवताना मोठी कसरत करावी लागते. अनेक अपघात घडत आहेत. त्यामुळे या रस्त्यावरील खड्डे ताबडतोब बुजवावेत अशी मागणी सामाजिक कार्यकर्ते रमेश आजबे यांनी लेखी पत्राद्वारे ठेकेदार देशमुख कंट्रक्शन केली होती तशी बातमी जामखेड न्युजने प्रसिद्ध केली होती याची दखल घेत देशमुख कंट्रक्शन यांनी मोठ मोठे खड्डे बुजवले आहेत. यामुळे वाहनचालकांना काही प्रमाणात दिलासा मिळाला आहे.
या रस्त्याची सध्या दुरवस्था झाली आहे. हा रस्ता अंत्यत खराब झाल्याने वाहनधारकांना मोठी कसरत करावी लागत आहे. यामुळे रस्त्यावर अपघात वाढले आहेत. हा रस्ता म्हणजे असून अडचण नसून खोळंबा अशी अवस्था झाली आहे. यामुळे सामाजिक कार्यकर्ते रमेश आजबे यांनी देशमुख कंट्रक्शन टेंभुर्णी व्यंकटेशराव चौधरी यांच्या कडे लेखी पत्राद्वारे केली होती. त्यामुळे या पत्राची दखल घेत ताबडतोब खड्डे बुजवले आहेत.
जामखेड ते चिंचपूर हा रस्ता अंत्यत खराब झाला आहे. मोठ मोठी खड्डे चुकवताना अपघात घडत आहेत. अनेकांचा जीव गेला आहे. तर शेकडो लोकांना कायमचे अपंगत्व आले आहेत. त्यामुळे ताबडतोब रस्त्यावरील खड्डे बुजवावेत अशी मागणी केली होती. खड्डे बुजवले यामुळे वाहनधारकांनी सामाजिक कार्यकर्ते रमेश आजबे यांना धन्यवाद दिले आहेत.
सामाजिक कार्यात अग्रेसर असलेले सामाजिक कार्यकर्ते रमेश (दादा) आजबे यांनी आजपर्यंत मंदिर जिर्णोद्धार, रंगकाम, वाडी वस्तीवर पिण्याच्या पाण्याची सोय, रस्त्यांची सोय, गटारे बांधकाम, अनेक ठिकाणी लाईटची सोय, महाशिवरात्रीला शंकराच्या दर्शनासाठी येणाऱ्या भावीक भक्तांसाठी फराळाची सोय, अनेक शिवरस्ते, अनेक ठिकाणी वृक्षारोपण, झाडांना संरक्षक जाळी, उन्हाळ्यात टँकरने पाणीपुरवठा, अनेक शाळांना होम थिएटर, कबड्डी, क्रिकेट टीमसाठी कीटचे वाटप, कोरोना काळात अनेकांना मास्क, सॅनिटाजर, किराणा कीटचे वाटप, भारतीय संविधान दिनानिमित्त स्नेह भोजन, मकरसंक्रांत निमित्त विविध कार्यक्रम, रक्षाबंधन निमित्त झाडांना राखी बांधणे, भक्ती शक्ती महोत्सवात मंडप व लाईटची व्यवस्था या सह अनेक अशी सामाजिक कामे मार्गी लावली. जनतेची नेहमीच काळजी घेणारा हा खरा समाजसुधारक आहे.
