जामखेड प्रतिनिधी
जामखेड न्युज—-बाॅम्बची अफवा फसरविणाऱ्या आरोपीच्या मुंबई पोलीसांनी आवळल्या मुसक्या, आरोपीला जामखेडला आणणार
जामखेड तालुक्यातील नान्नजमध्ये बॉम्ब असल्याची अफवा पसरवणारा आरोपी दिनेश सुतार याच्या एलटी मार्ग मुंबई पोलिसानी मुसक्या आवळुन अटक केले आहे. लवकरच आरोपीला जामखेड पोलीस ताब्यात घेणार असल्याची माहिती जामखेड पोलीसांनी दिली.
जामखेड तालुक्यातील नान्नज येथील बालाजी मेडिकलमध्ये ६ बॉम्ब ठेवले असल्याची खबर मुंबई येथील पोलीस कंट्रोलला मिळाली, तातडीने तपास यंत्रणांनी बॉम्बशोधक पथकासह नान्नज गाठले मात्र तपासाअंती ही अफवा असल्याचे निष्पन्न झाल्याने त्यांनी सुटकेचा निःश्वास सोडला. काल दिवसभर बॉम्बच्या चर्चेने नान्नज गाव पुर्ण भितीच्या दहशती खाली होते.
ही अफवा दिनेश सुतार या व्यक्तीने पसवली होती. पोलीस त्याचा कसून शोध घेत होते. आरोपी दिनेश सुतार याच्या वर दहा दिवसांपुर्वी जामखेड पोलीस स्टेशनला विनयभंगचा गुन्हा दाखल झालेला आहे. याचा जामखेड पोलीस शोध घेत होते मात्र तो वारवांर जागा बदलत होता. एलटी मार्ग मुंबई पोलिसानी मुसक्या आवळुन अटक केली असल्याची माहिती मिळाली आहे.
त्यास ताब्यात घेण्यासाठी जामखेड पोलिस स्टेशनचे पोलीस निरीक्षक संभाजी गायकवाड यांच्या मार्गदर्शनाखाली पोलीस नाईक अजय साठे व पोलीस काॅन्स्टेबल नवनाथ शेकडे आदींचा समावेश असलेले पथक जाणार असल्याचे खात्रीलायक वृत्त आहे.
घटनेचा पुढील तपास जामखेड पोलिस स्टेशनचे पोलीस निरीक्षक संभाजी गायकवाड यांच्या मार्गदर्शनाखाली पोलीस उपनिरीक्षक अनिल भारती हे करत आहेत.
