जामखेड प्रतिनिधी
जामखेड न्युज——
टाळ मृदुंगाच्या गजरात जामखेडला मंगलवार ( दि २ ) श्रीनागेश्वर पालखी सोहळा मोठ्या उत्साहात पार पडला. आमदार रोहित पवार यांच्या हस्ते महाआरती करण्यात आली
जामखेडचे ग्रामदैवत श्रीनागेश्वर यात्रेनिमित्त येथे अखंड हरिनाम सप्ताहाचे व श्रीनागेश्वर पालखी सोहळ्याचे आयोजन करण्यात आले होते.
शुक्रवारी श्रीक्षेत्र गहिनीनाथ गडाचे मठाधिपती महंत श्री.विठ्ठल महाराज यांच्या काल्याच्या किर्तनाने या उत्सवाची सांगता होणार आहे.
जामखेडचे ग्रामदैवत श्रीनागेश्वरची नागपंचमीच्या निमित्ताने यात्रा असते.गेल्या १९ वर्षापासून यानिमित्ताने श्रीनागेश्वर पालखी सोहळ्याचे आयोजन करण्यात येते. मंगळवारी सकाळपासूनच येथे मोठ्या उत्साहाचे वातावरण होते.सकाळी यजमान कर्जत जामखेड चे आमदार रोहित पवार यांच्या हस्ते
विधिवत पूजा झाली.आरती करून श्री नागेश्वराचा मुखवटा पालखीमध्ये ठेवण्यात आला .ही पालखी रथामध्ये ठेवण्यात आली नंतर हरहर महादेवाच्या व ज्ञानोबा तुकाराम च्या जयघोषात व पंचक्रोशीतील भजनी मंडळांच्या टाळ मृदुंगांच्या गजरात पालखी मिरवणुकीस सुरुवात झाली.खर्डा रस्ता, छत्रपती शिवाजी महाराज पेठेतून विठ्ठल मंदिर, हनुमान मंदिर,जयहिंद चौक, कचेरी रस्ता, परिट गल्ली, महादेव गल्ली मार्गे पुन्हा खर्डा रस्त्याला आली आमदार रोहित पवार यांच्या संकल्पनेतून वैतरणा नदी तीरातून नव्याने निर्माण करण्यात आलेल्या पालखी मार्गावरून हा सोहळा पुन्हा श्री नागेश्वर मंदिर येथे पोहोचला त्या ठिकाणी पुन्हा आमदार रोहित पवार यांच्या हस्ते सांगता आरती करण्यात आली. यावेळी मधुकर राळेभात दत्ता वारे हरिभाऊ आजबे विकास राळेभात मंगेश आजबे रमेश आजबे सूर्यकांत मोरे अमोल गिरमे अमोल लोकरे उपस्थित होते.
भजनी मंडळाचे पंढरीनाथ महाराज राजगुरू , सीताराम राळेभात ,रावसाहेब कोल्हे , अश्रू कोल्हे ,भाऊसाहेब कोल्हे, दीपक महाराज गायकवाड , बाबा मुरुमकर , दादा आजबे हरिदास गुंड जगन्नाथ धर्माधिकारी शंकर माळी ईश्वर महाराज तौर जगदीश महाराज आळंदीकर ओम महाराज आळंदीकर विष्णू म्हेत्रे, यांच्या समवेत विठ्ठल भजनी मंडळ,तपनेश्वर भजनी मंडळ,जमादारवाडी भजनी मंडळ व संत वामनभाऊ महाराज वारकरी शिक्षण संस्थेचे दादासाहेब महाराज सातपुते व परिसरातील टाळकरी मोठ्या संख्येने सहभागी झाले होते .कलशधारी महिला,पताकाधारी तरूण मुले यांच्या सहभागामुळे दिंडीला शोभा आली.
दिंडी मार्गावर महिलांनी सडा रांगोळी केली होती.शहरात ठिकठिकाणी पालखी दर्शनासाठी भक्तांनी गर्दी केली होती.एकूणच संपूर्ण जामखेड शहर आज भक्तीमय झाले होते. दुपारी दिंडोरी प्रणित श्री स्वामी समर्थ केंद्रातील सेवेकरांनी येथे रुद्र याग व होम हवन केले.
पालखी सोहळ्यानिमित्त येथे आयोजित करण्यात सप्ताहाची .श्रीक्षेत्र गहिनीनाथ गडाचे मठाधिपती महंत श्री.विठ्ठल महाराज यांच्या काल्याच्या किर्तनाने या उत्सवाची सांगता होणार आहे
हा संपूर्ण सोहळा यशस्वी करण्यासाठी श्री नागेश्वर सेवा मंडळाचे अध्यक्ष बाबासाहेब खराडे, बबलू देशमुख , संतोष बारगजे , मिलिंद ब्रम्हे, अशोक गिरमे ,अमोल लोहकरे ,दिलीपकुमार राजगुरू, प्रवीण राऊत, शंकर राऊत, आनंद राजगुरू, सचिन वराट ,सुधाकर हराळे,महादेव पानसांडे ,दत्ता राऊत, चंद्रकांत राऊत,राजेंद्र जाधव , अशोक निकम किरण सोनवणे सागर राळेभात दादा म्हेत्रे अनिल फरांडे अण्णासाहेब भोसले यांनी विशेष परिश्रम घेतले.
