जामखेड प्रतिनिधी
जामखेड न्युज – – – –
राजमाता पुण्यश्लोक आहिल्यादेवी होळकर यांच्या ३१ मे रोजी होणाऱ्या जयंतीनिमित्त चौंडी येथे आमदार रोहित पवारांच्या माध्यमातून सुशोभीकरण, रंगरंगोटी, डागडुजी तसेच स्वच्छता मोहिम व डेकोरेशन मंडप सह जोरदार जय्यत तयारी सुरू असल्याची माहिती सरपंच सुनिल उबाळे व अक्षय शिंदे यांनी पत्रकारांशी बोलताना सांगितले.
पुण्यश्लोक आहिल्यादेवी होळकर यांच्या जयंतीनिमित्त आमदार रोहित पवारांच्या माध्यमातून चौंडी येथील बागेतील नवग्रह व राशीच्या परिक्रमा शिल्पांचे सुशोभीकरण, रंगरंगोटी काम युद्ध पातळीवर सुरू आहे तसेच महादेव मंदिर परिसरातील फरशी व वाड्यातील भुयारी लाईट व तडे गेलेल्या भिंतीची डागडुजी सुरू आहे तसेच कार्यक्रमासाठी येणाऱ्या कर्जत-जामखेड वरून येणार्‍या रस्त्याच्या रूंदीकरणाचे काम सुरू आहे.
अहिल्यादेवी होळकर यांच्या पुतळ्यास रंग देण्याचे काम सुरू आहे बागेतील झाडांची छाटणी करून सुशोभीकरण करण्याचे काम सुरू आहे.
रोहित पवार आमदार झाल्यापासून चौंडी गावचा विकास मोठ्या प्रमाणावर सुरू आहे. तसेच जयंतीला सर्व पक्षीय नेत्यांनी व सर्व जातीधर्माच्या लोकांनी उपस्थित राहावे असे आवाहन सरपंच सुनिल उबाळे व अक्षय शिंदे यांनी पत्रकारांशी बोलताना सांगितले.
