जामखेडमध्ये पिसाळलेल्या कुत्र्याचा हैदोस, एकाच दिवसात पाच जणांना चावा, एक मुलगा गंभीर जखमी
जामखेड शहरातील तपनेश्वर नूरानी गल्ली जवळ एका पिसाळलेल्या कुत्र्याने हैदोस घातला असून त्याने मुलांना लक्ष्य केले आहे. या कुत्र्याने पाच ते सहा चावा घेतल्याने नागरिक भयभित झाले आहेत. कुत्रा वाढती संख्या कडे नगरपरिषद दुर्लक्ष केल्यामुळे नागरिकांमध्ये असंतोष वाढत आहे.
जामखेड येथील तपनेश्वर रोड नुरानी रहिवासी जाबीर तांबोळी यांचा मुलगा चि.ओएस जाबीर तांबोळी(वय ८वर्षे )हा रविवारी दुपारी एक वाजता रविवारी सुट्टी असल्याने घराजवळ खेळ होता. त्यावेळी मागून आलेल्या पिसाळलेल्या कुत्र्याने त्यांच्यावर हल्ला चढविला.
अचानक हल्ला झाल्याने काही कळण्याआधीच कुत्र्याने ओएस च्या तोंडावर चावा घेतला. दुसऱ्या एका मुलाला हाताच्या बोटाला याला पिसाळलेल्या कुत्र्याने चावा घेऊन जखमी केले. या दोन मुलांना जामखेड खासगी हॉस्पिटलमध्ये दाखल करण्यात आले आहे.
प्राथमिक उपचार करून अहिल्यानगर सरकारी जिल्हा रुग्णालयात येथे उपचारासाठी पाठविण्यात आले तपनेश्वर याच परिसरातील आणखी पाच ते सहा जणांना कुत्र्याने चावा घेतल्याची माहिती मिळाली आहे.यामुळे जामखेड नगरपरिषद प्रशासनाने यावर त्वरित उपाययोजना करणे गरजेचे आहे.नागरिकांची मागणी होत आहे.
चौकट जामखेड शहर व परिसरात मोकाट जनावरे, भटक्या कु त्र्यांची संख्या मोठी आहे. यामुळे रस्त्यांवरून प्रवास करताना स्थानिक नागरिक, वाहनचालक, लहान मुले तसेच शालेय विद्यार्थी आदींचा प्रवास धोकादायक झाला आहे. लहान मुलांना रस्त्याने एकट्याला पाठविणे म्हणजे पालकांची डोकेदुखी वाढली आहे. “शहरात मोकाट श्वानांनी उच्छाद मांडला असून नगरपरिषद ने यांना वेळीच बंदिस्त करणे गरजेचे आहे, भटक्या श्वानांनी चावा घेतल्यामुळे रेबीजसारख्या आजारांची लागण होऊ शकते. अनेक वेळा ते अंगावर येत असल्यामुळे लहान बालकांमध्ये भीतीचे वातावरण आहे. जर एखादा मोठा अपघात होऊन एखाद्या नागरिकाला प्राणास मुकावे लागले तर याची सर्वस्वी जबाबदारी नगरपरिषद ची असेल.” संतोष नवलाखा (आम आदमी पार्टी तालुका अध्यक्ष)
